Ötən gün Şamaxı və Şəkidə qəzalar baş verib. Hadisələrdə bir nəfər dünyasını dəyişib, xəsarət alan da var.

Bakı-Şamaxı-Yevlax magistralının Şamaxı rayonu ərazisində ölümlə nəticələnən qəza baş verib. Şamaxı sakini, 62 yaşlı Cəbiyev Əlifalı idarə etdiyi “NİVA” markalı avtomobili 25 metrlik məsafədən dərəyə yuvarlayıb. Sürücü hadisə yerindəcə dünyasını dəyişib. Onun həyat yoldaşı isə ağır bədən xəsarətləri ilə Şamaxı Rayon Mərkəzi Xəstəxanasına çatdırılıb. Qəzanın yağışlı hava şəraiti və yolun sürüşkən olması səbəbindən baş verdiyi ehtimal olunur.

Şəkidə isə iki minik avtomobili toqquşub. İlkin məlumatlara görə, Böyük Dəhnə kəndi ərazisində qeydə alınan hadisə zamanı həmin kənd sakini Əhmədov Yunus Mehman oğlu dönmə əməliyyatını düzgün yerinə yetirməyib və Çayqaraqoyunlu kənd sakini Məmmədov Şükür İsmayıl oğlunun idarə etdi avtomobili yandan vurub. Avtomobillərə ziyan dəysə də xoşbəxtlikdən xəsarət alan olmayıb.

Hər iki faktla bağlı araşdırma aparılır.

http://kepeztv.az