Ölkədə yol qəzaları səngimək bilmir. Ucarda baş verən qəzada 6 nəfər yaralanıb. Lənkaranda 24 yaşlı gənc, Qaxda isə II qrup əlil qəza törədib.

Ucarda baş verən hadisə rayonun Müsüslü kəndi ərazsindən keçən hissəsində qeydə alınıb. 29 yaşlı Elşən Hacıyevin idarə etdiyi “Mercedes Vita” markalı mikroavtobusla, 54 yaşlı Yaqub Xeyxəbərovun idarə etdiyi “İsuzi” markalı yük maşını ilə toqquşub. Nəticədə mikroavtobusada olan sərnişinlər Ucar rayon sakinləri 51 yaşlı Mələk Hüseynova, 17 yaşlı Mehriban Səfərova, 7 Azər Səfərov, 14 yaşlı Günel Səfərli Ucar rayon Mərkəzi Xəstəxanasına, 37 yaşlı Şəfiqə İslamova və onun həyat yoldaşı 45 yaşlı İlqar İslamov müxdəlif bədən xəsatətləri ilə Kürdəmir rayon Mərkəzi Xəstəxanasına yerləşdiriliblər. Xəstəxanadan verilən məlumata görə, yaralıların vəziyyəti orta-ağır qiymətləndirilir. İlkin versiyaya görə, hadisəyə səbəb mikroavtovusun dönmə əməliyatının düzgün aparmaması göstərilir.

Lənkəranda isə avtomobil ağaca çırpılıb və yanmağa başlayıb.

Hadisə Ələt-Astara magistral yolunun Lənkəran şəhəri ərazisindən keçən, 199-cu kilometrliyində baş verib. Masallı rayonu, Təzə Alvadı kənd sakini 24 yaşlı Ağabala Şərifov idarə etdiyi "VAZ 2107" markalı avtomaşınla, yağışlı hava şəraitində idarəetməni itirərək yoldan çıxıb. Avtomobil yol kənarında ağaca çırpılaraq yanmağa başlayıb. Sürücü yaralı vəziyyətdə Lənkəran Rayon Mərkəzi Xəstəxanasına çatdırılıb. Xəstəxanadan yaralının baş nahiyəsindən xəsarət aldığı və vəziyyətinin ağır olduğu bildirilib.
Qaxda isə ikinci qrup əlil qəza törədib. Hadisə Qax rayonunun Fıstıqlı kəndində baş verib. Belə ki, rayonun Güllük kənd sakini, 36 yaşlı anadangəlmə yerimə qüsurlu Xalid Mənəfov idarə etdiyi "VAZ 2106" markalı avtomobillə Fıstıqlı kəndi istiqamətində hərəkətdə olarkən idarəetməni itirib. Avtomobil yolun kənarındakı kanala aşıb. Avtomobildə tüstülənmə olduğundan hadisə yerinə Qax Rayon Dövlət Yanğından Mühafizə Hissəsinin yanğınsöndürən maşını və canlı qüvvəsi cəlb olunub və yanğının qarşısı alınıb. Qeyd edək ki, Xalid Mənəfov maşının şüşəsini sındıraraq özünü xilas edib. O, avtomobildə tək olub.

Bütün faktlarla bağlı aidiyyatı orqanlar tərəfindən araşdırmalara başlanılıb.

http://kepeztv.az/