Gəncədə iki piyadavurma hadisəsi qeydə alınıb. Qəzalardan birində piyada ölüb, digərində isə 20 yaşlı tələbə ağır xəsarət alaraq komaya düşüb.

Gəncə-Göygol yolunun Qızılqaya qəsəbəsi ərazisindən keçən hissəsində piyadanın vurulması ilə nəticələnən yol qəzası qeydə alınıb. Hadisə səhər saat 7.30 radələrində baş verib. Yolu keçmək istəyən kişi “Chevrolete Cruze” markalı avtomobil tərəfindən vurulub. Piyada aldığı xəsarətlərdən hadisə yerindəcə dünyasını dəyişib. Ölən şəxsin və qəzanı törədənin kimliyi aparılacaq araşdırmalardan sonra bəlli olacaq.

Daha bir ağır yol qəzası isə şəhərin Nizami prospektində baş verib. “Mercedes” markalı avtomobilin sürücüsü idarəetməni itirərək yolun kənarındakı səkiyə çıxıb. Nəticədə avtomobil səki ilə hərəkət edən 20 yaşlı tələbə, Ağdaş sakini Afaq Bayramovanı vurub. Daha sonra nəqliyyat vasitəsi çılçıraq mağazasına çırpılıb. Xoşbəxtlikdən mağazada heç kim olmayıb. Qəza nəticəsində ağır xəsarət alan Afaq Bayramova Gəncə Şəhər Təcili Tibbi Yardım Xəstəxanasına çatdırılıb. Koma vəziyyətində olan yaralı Reanimasiya şöbəsinə yerləşdirilib. Faktla bağlı araşdırma aparılır.

http://kepeztv.az/