Bərdədə piyadanın ağır xəsarət alması ilə nəticələnən ağır yol-nəqliyyat hadisəsi baş verib.
ANS PRESS-in məlumatına görə, rayonun Koroğlu küçəsi ilə sürətlə hərəkət edən ”NAZ-Lifan” markalı avtomobil, yaxınlıqdakı mağazadan çıxaraq yolun qarşı tərəfinə keçmək istəyən piyadanı vurub. Piyadanın başı zərblə avtomobilin ön hissəsinə çırpılıb.
Zərbə nəticəsində Ağdam rayonundan məcburi köçkün olan 69 yaşlı Xəlil Nəbiyev baş nahiyəsindən ağır yaralanıb. Yaralı hadisə şahidlərinin köməyi ilə Bərdə Mərkəzi Rayon Xəstəxanasına çatdırılıb. Süni tənəffüs aparatına qoşulan Xəlil Nəbiyevin vəziyyəti ağır qiymətləndirilir.
Yaralının vəziyyəti ağırdır

Hadisə yerinə gələn rayon polis şöbəsinin əməkdaşları sükan arxasında olan şəxsin kimliyini müəyyənləşdirib. O, Bərdənin Yeni –Daşkənd kəndindən olan Sərxan Həsənovdur. Sürücü artıq saxlanılıb. Hazırda faktla bağlı rayon polis şöbəsində araşdırma aparılır.