Paytaxtın Nizami rayonunda baş verən intihar hadisəsi ilə bağlı bəzi təfərrüatlar məlum olub.

Nizami Rayon Prokurorluğundan verilən məlumata görə, intihar edən şəxs Bakı şəhər sakini, 1993-cü il təvəllüdlü Türkan Eldar qızı Həsənzadə yaşadığı binanın damından özünü atıb.

Nəticədə o, aldığı xəsarətdən hadisə yerindəcə ölüb.

Məlumata görə, tələbə qız mobil telefonundakı bütün nömrələri sildikdən sonra operator kartını sındırıb. Özünü damdan atdıqdan sonra əvvəlcə ağaclardan birinin üzərinə düşən Türkan Həsənzadə daha sonra yerə yıxılıb.

Qeyd edək ki, o, intihar etməmişdən öncə, dünən gecə saatlarında öz "Facebook" səhifəsində "tək istədiyim öz həyatımı yaşamaq idi" statusunu paylaşıb. Türkan Həsənzadə Tibb Universitetinin IV kurs tələbəsi olub.

İntiharın dəqiq səbəbi araşdırılır

***
Tibb Universitetinin tələbəsinin nə üçün intihar etdiyi bilinmir.

Paytaxtın Nizami rayonunu ərazisindəki binanın damından özünü atan 1993-cü il təvəllüdlü Türkan Eldar qızı Həsənzadə barədə bəzi təfərrütlar bəlli olub.

Tələbənin təhsil aldığı Azərbaycan Tibb Universitetinin mətbuat xidmətindən ANS PRESS-ə verilən məlumata görə, T. Həsənzadə Stomatologiya fakültəsinin terapevtik stomotologiya ixtisasının tələbəsi olub:

“Bizim universitetin adı çəkilən ixtisasında təhsil müddəti 5 ildir. Həmin tələbənin universitetdə bu il 6-cı ili idi. Buna səbəb isə Türkan Həsənzadənin keçən ildən akademik borcları olduğu üçün təhsilini normal müddətdə başa vura bilməməsi olub. Ancaq onu deyə bilərik ki, tələbə aktiv deyildi. Çox sakit biri idi”,- deyə universitetdən bildirdilər.

***11-02***

Bakıda intihar hadisəsi baş verib. Tələbə özünü yaşadığı binanın damından atıb.

Hüquq-mühafizə orqanlarından ANS PRESS-ə verilən məlumata görə, hadisə paytaxtın Nizami rayonun, Qara Qarayev prospekti 71 ünvanında qeydə alınıb. Həmin ünvanda yaşayan 1993-cü il təvəllüdlü Türkan Eldar qızı Həsənzadə özünü yaşadığı binanın damından yerə atıb. Nəticədə 22 yaşlı qız aldığı xəsarətdən hadisə yerindəcə ölüb.

Hüquq-mühafizə orqanlarından bildirdilər ki, özünü öldürən qız, Tibb Universitetinin tələbəsidir.

Onun hansı səbəbdən intihar etməsi hələlik məlum deyil.

Faktla bağlı Nizami rayon Prokurorluğunda cinayət işi açılıb, araşdırma aparılır.

Bənzər hadisə 3 gün əvvəl də Bakıda baş verib. Hadisə Sabunçu rayonunun Bakıxanov qəsəbəsində qeydə alınıb. Paytaxt sakini 1990-cı il təvəllüdlü Aişə İlqar qızı Dadaşova özünü yaşadığı binanın 19-cu mərtəbəsindən atıb və hadisə yerindəcə dünyasını dəyişib.