Bakıda marşrut avtobusu qəza törədib.
APA-nın hadisə yerində olan əməkdaşının verdiyi məlumata görə, qəza Xocalı prospektində “Mübarək” şadlıq sarayının qarşısında qeydə alınıb. 30 saylı xətt üzrə hərəkət edən marşrut avtobusu 2 minik maşını ilə toqquşub. Nəticədə xəsarət alan olmasa da, minik avtomobillərinə ciddi ziyan dəyib.
Hadisə yerinə polis əməkdaşları gəliblər. Faktla bağlı araşdırma aparılır.