Rio-2016: Olimpia çempionu Radik İsayevdən AÇIQLAMA

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

İlham Əliyev Ramazan bayramı münasibətilə Azərbaycan xalqını təbrik edib

Bir sıra məhkəmələrə sədr və hakimlər təyin edilib - SƏRƏNCAM

Rio-2016: Olimpia çempionu Radik İsayevdən AÇIQLAMA – VİDEO

Idman / Video

Oxunub: 1 134

21 avq 2016 | 07:52

“Mən medalımı ilk azarkeşimə–anama həsr edirəm. O, mənim medallarımı yığır. Bunun üçün otaq da ayırıb”.

Taekvondo yarışlarında Azərbaycana tarixində ilk Olimpiya çempionluğunu qazandıran Radik İsayev mükafatlandırma mərasimindən sonra qısa açıqlama verib.

Rio Olimpiadasında ilk qızıl medalımızın da sahibi olan idmançı bu qələbəsindən çox qürur duyduğunu bildirib.

- Nə düşünürsən? Olimpiya çempionu olmaq necə hissdir?

- Hələlik hiss elədiyim sadəcə ayaqlarımın ağrısıdır. İlk döyüşdən ağrıyırdı.

- Hər idmançı döyüşə çıxmamışdan qabaq öz-özünə söz verir ki, mən çempion olacam. Sən necə düşünürdün?

- Mən elə demirəm. Sadəcə çıxıram, bacardığımın ən yaxşısını edirəm. Orda artıq situasiyaya görə dəyişir. Özümə “çıxım mütləq çempion olacam” deyə bilmərəm.

- Rəqibin kimliyini biləndən sonra nə hiss etdin?

- Heç nə. Fərqi yox idi. Sadəcə başladım hazırlaşmağa.

- Məsələn, biləndə ki, ilk rəqib kimdi, onda nə düşündün?

- Biz onsuz da hamımız bir-birimizi tanıyırıq. Hətta əlavə nəsə araşdırmağa da gərək yoxdu. İdmandı, biri udur, digəri uduzur.

- Kimə həsr edirsən qələbəni?

- İlk azarkeşimə – anama. O, mənim medallarımı yığır. Bunun üçün otaq da ayırıb. Mənim kolleksionerim odur. Onun üçün turnirin fərqi yoxdu, dünya çempionatı, Avropa çempinatı və ya Olimpiada.

- Bayrağımızı ən yüksəkdə görəndə, insanlar “Radik! Radik!” qışqıranda nə hiss edirdin?

- Sadəcə qürur duyurdum. O hissləri tam olaraq ifadə etmək olmur.

- Maraqlıdı ki, sən medalı Olimpiadanın sonlarında qazandın... Həm də bu ilk qızılımız idi...

- Hələ Lorenzo da var (boksçu Lorenzo Sotomayor (64 kq) - red.). Ona da uğurlar arzulayıram. Finaldadır, inanıram ki, uğur qazanacaq. Başqa nə deyə bilərəm ki? Qızıl haqqında düşünmürdüm, məqsədim hər-hansı mükafat qazanmaq idi. Ancaq ardıcıl uğurlar gəldi, axırda da Azərbaycanın himnini dinlədik.

- Finaldakı rəqibin çox güclü idi, ancaq sən əla mübarizə apardın...

- Məşqçilərin tapşırıqlarını yerinə yetirdim və uğur qazandım.

- Maraqlıdır ki, döyüş vaxtı məşqçilərin kənardan verdiyi tapşırıqları eşidirsən?

- Ancaq ən yaxınımdakı məşqçini eşidirəm. Zalı isə eşitmirəm.