"Hər şey bir öpüşə görə oldu" - "Qarabağ"ın futbolçusu qızının ölümü barədə

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

"Hər şey bir öpüşə görə oldu" - "Qarabağ"ın futbolçusu qızının ölümü barədə

Idman

Oxunub: 607

21 okt 2017 | 19:33

"Hər şey bir öpüşə görə oldu" - "Qarabağ"ın futbolçusu qızının ölümü barədə

Haiti milllisinin və “Qarabağ”ın futbolçusu Donald Gerye “Le Nouvelliste”yə müsahibə verib.

Yenicag.az sözügedən müsahibəni təqdim edir:

– Oktyabrın 14-ü qızınızın vəfatından sonra özünüzə gəlməyinizi gözlədik. Haitidə Çempionlar Liqasında “Atletiko”ya qarşı oynamağınıza çox sevindilər. Bu matçda oynamağa özünüzdə necə güc tapdınız?

– Miah Manettenin vəfatı məni bu matçda oynamağa məcbur etdi. O, meydana çıxmağımı istəyərdi. Bunu fikirləşib, özümdə güc tapdım. Miah üçün oynadım.

– Komandanız ÇL-in qrup mərhələsini tarixində ilk xalını qazandı. Bundan əvvəl ÇL-in qrupuna düşdüyünüz üçün Azərbaycanda hamının sevindiyini demişdiniz. Bəs, qolsuz heç-heçəyə necə münasibət göstərdilər?

– Hər kəs bu nəticədən razı qaldı. Bu, futbolun nəticəsinin proqnozlarla deyil, meydanda müəyyənləşməsinin sübutudur. Bütün dünya “Barselona” ilə heç-heçə edən “Atletilo”nun qalib gələcəyini düşünürdü. Lakin nəticə hər şeyi göstərdi.

– “Qarabağ” “Çelsi” ilə matçla müqayisədə, “Atletiko”yla görüşdə taktiki irəliləyiş etdi. Bu qədər tez öyrənmək üçün nə etdiniz?

– İrəliləyişə gəldikdə, deyərdim ki, komandamız çətin matçlarda oynamağa adət etmiş peşəkar futbolçulardan təşkil olunub. Tez adaptasiya olmağımız normaldır.

– Qızınızın vəfatındansonra “Atletiko”ya qarşı oynamaq üçün kim sizi motivasiya etdi?

– Miah doğulan zaman virusa yoluxmuşdu. Bu, anasının yaxın qohumu xəstəxanaya gələn zaman onu öpdüyü üçün baş vermişdi. Həmin qadının ağzının küncündə yara var idi, oradan keçib. Virus beyinə keçdiyi üçün yeni doğulmuş uşaqlar üçün təhlükəlidir. Virus tez yox olmasa, gələcəkdə uşağın ayaqlarının iflic olmasına gətirib çıxardır. Xoşbəxtlikdən iflic olmağın qarşısını almaq üçün virusa yoluxduğunu tez öyrənmişdik. Lakin bu, digər fəsadların qarşısını almaq üçün kifayət deyil. Virus məhv edilsə də, həkimlər bizi Miahda epileptik tutmanın olacağı barədə xəbərdar etmişdilər. Bu hal baş verən zaman ona təcili kömək etmək lazım idi. Tədricən bu cür tutmalar azalmışdı və Miah yaxşı idi. Lakin ötən cümə axşam vaxtı yataqda uzandığı vaxt tutma baş verdi və ona qalib gəldi.

– Anası bu faciəyə necə reaksiya verdi?

– O, çarəsizdir.

– “Atletiko” ilə oyunda psixoloji baxımdan problem yaşamamaq üçün komanda ilə nə etdiniz?

– Diqqət yetirsəydiniz, meydana qolumda Haiti bayrağı ilə çıxğımı görərdiniz. Biz haitilər problemlərə və çətinliklərə öz mədəniyyətimizdən irəli gələn formada reaksiya veririk. Buna görə də problemlər qarşısında yaşamağa davam etməliyik. Mənim üçün işim Miahı sevməyə davam etmək üçün yeganə vasitədir.