"Roma"nın futbolçusu: “Qarabağ”la çətin matçda yaxşı nəticə əldə etdik"

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

İlham Əliyev Ramazan bayramı münasibətilə Azərbaycan xalqını təbrik edib

"Roma"nın futbolçusu: “Qarabağ”la çətin matçda yaxşı nəticə əldə etdik"

Idman

Oxunub: 612

6 dek 2017 | 12:08

"Roma"nın futbolçusu: “Qarabağ”la çətin matçda yaxşı nəticə əldə etdik"

Çətin olacağını bilirdik. Lakin yekunda hamının ümid bəslədiyi nəticəni əldə etdik”.
“Report” xəbər verir ki, bunu İtaliyanın “Roma” komandasının futbolçusu Daniele De Rossi Çempionlar Liqasının qrup mərhələsinin VI turunda “Qarabağ” üzərində 1:0 hesablı qələbə ilə başa çatan oyundan sonra deyib.
Paytaxt komandasının 34 yaşlı kapitanı C qrupunun qalibi olmalarını fantastik nəticə sayır. Onun sözlərinə görə, bu nailiyyət “Roma”nın Avropadakı nüfuzunu bərpa edəcək: “Bu, “Roma”nın nüfuzu, komandanın özünəinamı və mövsümün qalan hissəsi üçün möhtəşəm nəticədir. Biz xoşbəxtik. Son illər Avrokuboklarda yaxşı çıxış etməmişdik. Bu nailiyyət klubun öz nüfuzunu bərpa etməsi üçün bir vasitədir. Bu cür çətin qrupun oyunlarını birinci yerdə tamamlamaq fantastikadır”.
“Roma”nın digər futbolçusu Raca Nainqqolan isə “Qarabağ” haqqında xoş sözlər deyib. O, çətinliklə qalib gəldiklərini etiraf edib: “Qarabağ”ı məğlub etməyin yolunu tapmalı idik. Rəqib vəziyyəti çətinləşdirdi. Onlar çox möhkəm oynayırdılar, lakin biz təmkinli idik. Öz üslubumuza sona qədər inanırıq. Düzgün oynadıq. Önəməli olan budur ki, pley-offa vəsiqə qazandıq. Çətin matçda yaxşı nəticə əldə etdik. Birinci yerə çıxmağa müvəffəq olduq. Bu, çox əla nəticədir”.
Qeyd edək ki, İngiltərə çempionu “Çelsi” ilə eyni – 11 xala malik “Roma” şəxsi oyunlara görə 1/8 finala C qrupunun qalibi qismində yüksəlib. Yeddi xalla 3-cü yeri tutan İspaniya “Atletiko”su isə mübarizəni Avropa Liqasında davam etdirəcək.