Fevralın 20-də “Qarabağ”- “Neftçi” matçı keçiriləcək.

Azerinfo.az Axar.az-a istinadən xəbər verir ki, Premyer Liqanın 23-cü turunda baş tutacaq bu qarşılaşma ərəfəsində hər iki klubun düşərgəsində ajiotaj yaranıb.

Ağdam klubu Bakı təmsilçisinə rəsmi şəkildə müraciətində oyunu idarə edəcək hakimin dəyişdirilməsini təklif edib. Buna səbəb oyuna təyinat alan hakim Əliyar Ağayevlə bağlı narazılıqdır.

Ə.Ağayevin iki tur öncə idarə etdiyi “Neftçi” – “Simurq” qarşılaşmasında verdiyi qərarlar narazılıq doğurmuşdu.
“Qarabağ” oyunqabağı “Neftçi”yə müraciətində hakimin dəyişdirilməsini təklif edib ki, görüşdən sonra verilən qərarlar söz-söhbət yaratmasın.

“Neftçi” – “Qarabağ” matçına təyinatlar açıqlandıqdan sonra Əliyar Ağayevlə bağlı yaranmış söz-söhbəti nəzərə alaraq onun istənilən hakimlə əvəz olunmasını təklif edirik”, - deyə müraciətdə bildirilir.