AFFA-nın təşkiliatçılığı ilə reallaşan və Qərb zonasını əhatə edən yarışda ümumilikdə 33 komanda qalib adı uğrunda yarışır. Bu komandalardan 29-u Gəncəni, 3-ü Göygölü, 1-i isə Kəlbəcəri təmsil edir. Zona mərhələsinin başa çatmasına 2 tur qaldığı vaxtda Gəncə komandaları uğurlu nəticələrlə seçilir. 11,12, 13 və 14 yaşlı futbolçuların liqasında turnir cədvəlinə Nizami yurdunun kollektivləri liderlik edir. Qeyd edək ki, zona birinciliyinin sonunda hər yaş qrupundan ilk 3 yeri tutan komandalar sonrakı mərhələyə vəsiqə qazanacaq. Bu mərhələdə gəncəli futbolçular Qərb regionu üzrə Şəmkir, Qazax, Ağstafa və Tovuz rayonunun təmsilçiləri ilə qarşılaşacaq.

Yaşar Əsədov - məşqçi: "Burada Azərbaycan futbolu üçün çox yaxşı şərait yaradılıb ki, biz istedadlı futbolçuları üzə çıxara bilək. Uşaqlardan da razıyıq. Bu cür yarışlar çox faydalıdı. Sanki indidən bizlər Azərbaycan futbolunun gələcəyini təmin edirik".

kepeztv/az