"Mançester Yunayted" Ole-Qunnar Sulşerin başçılığı altında keçirdiyi 3-cü oyunu da qələbə ilə başa vurub.
Qol.az-ın məlumatına görə, buna qədər "Kardiff Siti"ni 5:1, "Haddersfild"i isə 3:1 hesabı ilə məğlub edən "qırmızı şeytanlar" son qurbanı "Bornmut" olub. Rəqibinə 4:1 hesabı ilə qalib gələn Mançester təmsilçisi uğurlu çıxışını davam etdirib.

Ardıcıl 3 oyunda ümumilikdə 12 qol vuran "Mançester Yunayted" bununla da 2011-ci ildəki nəticəsini təkrarlayıb. Komanda son 3 qarşılaşmada öz qapısından isə cəmi 3 top buraxıb.
Qeyd edək ki, "Mançester Yunayted" hazırda 35 xalla 6-cı pillədə qərarlaşıb.