Əməkdar məşqçi Georgi Çamiaşvilinin xatirəsinə həsr olunan və beşinci dəfə keçirilən yarışda Gəncədən 1 saylı Uşaq Gənclər İdman Məktəbinin cüdoçuları da çıxış edib.

Müxtəlif şəhər və rayonlardan 200-ə yaxın idmançının iştirak etdiyi turnirə idman məktəbinin yetirmələri baş məşqçi Xanəhməd Rzazadənin rəhbərliyi altında 10 nəfərlik heyətlə qatılıb. Nizami yurdunun təmsilçilərindən 4-ü mükafatçılar sırasına düşə bilib. 34 kq-da Murad Cavadov və 38-də Turan Bayramov rəqib tanımayıb.
UGİM cüdoçularından 30 kq çəkidə yarışan Arif Əliyev və 42 kq-da Kənan Məhərrəmov yalnız finalda məğlub olaraq gümüş medala sahib çıxıb.
Qeyd edək ki, yarışda 2002-2003 -cü il təvəllüdlü tatami ustaları mükafatlar uğrunda mübarizə aparıb.

İdman məktəbinin cüdoçuları gələn ay yeniyetmələr arasında keçiriləcək Azərbaycan birinciliyində qüvvəsini sınayacaq. Yarış paytaxt Bakıda reallaşacaq.

http://kepeztv.az