19:09

Milli.Az bildirir ki, 66 kq çəki dərəcəsində Həsən Əliyev bürünc medal uğrunda serbiyalı Aleksandr Maksimovla yarışıb. Rəqibinə 0-3 hesabı ilə qalib gələn Həsən bürünc medalı qazanıb.

-------

15:05

Milli.Az bildirir ki, Azərbaycan təmsilçisi Elvin Mürsəliyev yarımfinalda gürcü Zurabi Datunaşvili ilə görüşüb. Rəqibinə 3-1 hesabı ilə qalib gələn Elvin də finalda!

--------

14:36

Milli.Az bildirir ki, 66 kq çəki dərəcəsində Həsən Əliyev yarımfinalda Ermənistan təmsilçisi Miqran Arutyunyan ilə qarşılaşıb. Rəqibinə 3-1 məğlub olan Həsən finala çıxa bilmədi.

----------

14:15

Milli.Az bildirir ki, Azərbaycan təmsilçisi Elvin Mürsəliyev yarımfinala çıxmaq üçün Rusiyadan Çingiz Labazanovla qarşılaşıb. Dəfələrlə dayandırılıb videotəkrarı izlənən görüşdə 2-4 hesabı ilə Elvin qalib gələrək yarımfinala vəsiqə qazandı!

----------

14:06

Milli.Az bildirir ki, Azərbaycan təmsilçisi Sabahi Şəriəti yarımfinalda Belarusdan olan İoseb Cuqaşvili ilə döyüşüb. 5-0 hesabla qalib gələn idmançımız finalda!

Elvin Mürsəliyev isə yarımfinala çıxmaq üçün Rusiyadan Çingiz Labazanovla qarşılaşır.

-----------

13:39

Milli.Az bildirir ki, Azərbaycan təmsilçisi Sabahi Şəriəti də yarımfinala çıxıb. 1/8 finalda ukraynalı Mıkola Kuçmını 4-0 məğlub edən Sabahi, 1/4 finalda Gürcüstan təmsilçisi ilə qarşılaşıb. Yakobi Kajalanı 1-3 məğlub edən Sabahi yarımfinalda!

---------

13:11

Milli.Az bildirir ki, 66 kq çəki dərəcəsində təsnifat mərhələsində Həsən Əliyev 1/4 finalda Belarus təmsilçisi Mixail Syamonau ilə qarşılaşıb. Rəqibini 3-0 məğlub edən Həsən yarımfinalda!

---------

12:35

Milli.Az bildirir ki, güləşçimiz Saman Təhmasibi 1/8 final mərhələsində Ermənistan idmançısı Maksim Manukyanla görüşüb. O, 4-0 hesabı ilə uduzub.

----------

12:22

Milli.Az bildirir ki, 75 kq çəki dərəcəsində təsnifat mərhələsində Elvin Mürsəliyev 1/8 final rumıniyalı İonel Puşkasu ilə qarşıaşıb. 3-1 hesabı ilə qalib gələn Elvin də 1/4 finalda!

---------

11:36

Milli.Az bildirir ki, 66 kq çəki dərəcəsində təsnifat mərhələsində Həsən Əliyev Xorvatiya təmsilçisi Daniel Janeçiçlə qarşılaşıb. Rəqibini 3-0 məğlub edən Həsən 1/4 finalda!

---------

11:09

Milli.Az bildirir ki, 75 kq çəki dərəcəsində təsnifat mərhələsində Elvin Mürsəliyev slovakiyalı Riçard Riqo ilə döyüşüb. Rəqibini 3 gözəl fəndlə 8-0 məğlub edən Elvin növbəti mərhələdə!

------------

10:11

Milli.Az bildirir ki, 66 kq çəki dərəcəsində təsnifat mərhələsində Həsən Əliyev Gürcüstan təmsilçisi Saşino Davitayaya 1-3 hesabı ilə qalib gəldi.

----------

09:57

Milli.Az Bakı-2015-in rəsmi saytına istinadən bildirir ki, Avropa Oyunlarının 3-cü günündə yunan-Roma güləşi üzrə yarışlar davam edir.

Qarşılaşmalar Heydər Əliyev adına İdman Arenasında keçirilir.

Hazırda 66 kq çəki dərəcəsində təsnifat mərhələsində Həsən Əliyev Gürcüstan təmsilçisi Saşino Davitaya ilə gücünü sınayır.

Az sonra 75 kq çəki dərəcəsində təsnifat mərhələsində Elvin Mürsəliyev slovakiyalı Riçard Riqo ilə döyüşəcək.

İdmançılarımıza uğurlar arzulayırıq!

Milli.Az