4-07-2019, 10:32 Oxunub: 408

“Qarabağ”dan rəsmi transfer

“Qarabağ”dan rəsmi transfer

Növbəti mövsüm üçün heyətini gücləndirməyə davam edən “Qarabağ” ikinci transferini reallaşdırıb.

“Qafqazinfo” klubun rəsmi saytına istinadən xəbər verir ki, “köhlən atlar” sol cinah müdafiəçisi Ailton Ferreyra Silvanı heyətinə qatıb.

Müqavilə ilə Almaniyanın “Ştutqart” klubuna məxsus olan 24 yaşlı braziliyalı növbəti mövsümü icarə əsasında “Qarabağ”da keçirəcək.

Braziliyanın “Fluminense” klubunun yetirməsi olan Ailton daha əvvəl – 2015-2016 mövsümündə Azərbaycanda “Neftçi”nin (32 oyun, 3 qol) formasını geyinib. “Ağ-qaralar”dan ayrıldıqdan sonra Portuqaliyanın “Eştoril” (18 oyun) klubuna keçən müdafiəçi, daha sonra Almaniya “Ştutqart”ına (5 oyun) transfer olunub. 2018-ci ilin yayında yenidən “Eştoril”ə icarəyə verilən futbolçu mövsümün ikinci yarısını isə Portuqaliya “Braqa”sında keçirib.

“Qarabağ” bir neçə gün əvvəl ispaniyalı yarımmüdafiəçi Xayme Romeronu da heyətinə cəlb edib.

Ağdam klubu bu mövsüm Azərbaycanı Çempionlar Liqasında təmsil edəcək.
“Qarabağ” “Real”ın sabiq üzvünü transfer edir “Qarabağ” “Real”ın sabiq üzvünü transfer edir Idman “Neftçi” “Qarabağ”ın futbolçusunu transfer etdi – Foto “Neftçi” “Qarabağ”ın futbolçusunu transfer etdi – Foto Idman “Qarabağ” daha iki sabiq futbolçusunu geri qaytarır “Qarabağ” daha iki sabiq futbolçusunu geri qaytarır Idman “Şerif”lə oyun ərəfəsində “Qarabağ” əsas oyunçularından birini itirdi “Şerif”lə oyun ərəfəsində “Qarabağ” əsas oyunçularından birini itirdi Idman "Qarabağ" braziliyalı futbolçu transfer etdi Idman