7-08-2019, 10:14 Oxunub: 330

Renat Dadaşov: “Növbəti mövsümdə daha güclü futbolçu kimi “Vulverhempton”a qayıda bilərəm”

Renat Dadaşov: “Növbəti mövsümdə daha güclü futbolçu kimi “Vulverhempton”a qayıda bilərəm”

“Çox xoşbəxtəm və çox həyəcanlıyam. Bu yaxşı bir klubdur və “canavar” olmaq inanılmazdır. Buna görə də burada olduğum üçün çox şadam”.

“Report” xəbər verir ki, bu fikirləri İngiltərə Premyer Liqasında çıxış edən “Vulverhempton”la 4 illik müqavilə imzalayan Azərbaycan millisinin futbolçusu Renat Dadaşov klubun rəsmi saytına açıqlamasında söyləyib.

Müqavilə imzaladıqdan sonra 1 illik müddətə Portuqaliya Premyer Liqasında yer alan “Pakuş de Ferreyra”ya icarəyə verilən 20 yaşlı hücumçu keçidin necə reallaşdığını söyləyib: “Menecerim zəng edərək klubun mənimlə müqavilə imzalamaq istədiyini dedi. Mən isə “Bu doğrudurmu? Mənimlə zarafat etmirsən ki?” söylədim. O, “Bəli, doğrudur” dedi. Buna görə də qərar vermək asan oldu. Amma indi icarəyə verildiyim kluba gedəcəyəm. Hər şey yaxşı olacaq. Növbəti mövsüm daha güclü futbolçu kimi qayıda bilərəm”.

Dadaşov deyib ki, hər bir oyunçu İngiltərə Premyer Liqasında oynayan komandada olmaq istəyir: “Bu mənim üçün dünyanın ən yaxşı liqasıdır. Komanda çox yaxşı mövsüm keçirib. Hazırda mənim xəyalım gerçəkləşir. İngiltərədə yaşamağın asan olacağını düşünmürəm, amma bir yolunu tapacağam. Çünki getdiyiniz hər yer sizin üçün bir dəyişiklikdir. İngiltərə gözəl bir ölkədir. Burada yaxşı insanlar çoxdur. Buna görə də burada çox problem yaşamayacağımı düşünürəm. Mənim üçün ilk şey həmişə kluba kömək etməkdir. Əlimdən gələn hər bir şeyi – meydanda və meydandan kənarda, hər yerdə etməyə hazıram. Nəzakətli olmağı və qarşıma məqsəd qoymağı bacarıram”.

Renat ailəsinin idmanla bağlı olduğunu vurğulayıb: “Atam su polosu, anam həndbol oynayıb. Bacım isə 16 yaşına qədər futbolla məşğul olub. Qardaşım Rüfət Dadaşov Almaniyanın üçüncü liqasında çıxış edir. Sonuncu dəfə Azərbaycan millisində çıxış edəndə böyük qardaşımla birlikdə kollektivdə idik. Bu mənim üçün ağlasığmaz idi. Çünki ölkəmi qardaşımla birlikdə təmsil etmək həyatımın ən yaxşı hisslərindən biri idi”.
Andrey Arşavin: “Neftçi” Rusiya Premyer Liqasında 6 – 16-cı yerlərə ümid edə bilər” Andrey Arşavin: “Neftçi” Rusiya Premyer Liqasında 6 – 16-cı yerlərə ümid edə bilər” Idman Salah ardıcıl ikinci il Afrikanın ən yaxşı futbolçusu seçilib Salah ardıcıl ikinci il Afrikanın ən yaxşı futbolçusu seçilib Idman “Qarabağ” daha iki sabiq futbolçusunu geri qaytarır “Qarabağ” daha iki sabiq futbolçusunu geri qaytarır Idman Arda Turan Premyer Liqada: yeni klubu açıqlandı Arda Turan Premyer Liqada: yeni klubu açıqlandı Idman Azərbaycan millisinin futbolçusu İngiltərə klubunda Azərbaycan millisinin futbolçusu İngiltərə klubunda Idman