Gəncə-Şəmkir Avtomobil yolunda 2 nəfərin ölümü, 2 nəfərin yaralanması ilə nəticələnən ağır yol nəqliyyat qəzası baş verib. Hadisə yanvarın 29-da saat 22 radələrində yolun Göygöl rayonu ərazisindən keçən hissəsində baş verib. Gəncə şəhər sakini, 1988-ci il təvəllüdlü Mahir Hüseynağa oğlu Cəfərov idarə etdiyi "Mercedes" markalı avtomobillə yüksək sürətlə hərəkətdə olarkən idarəetməni itirib. Maşın yolun kənarında olan ağaca dəyərək aşıb. Avtomobildə olan sərnişinlər, Tovuz rayon Bayramlı kənd sakini, 1936-cı il təvəllüdlü Ofelya Cəbrayıl qızı Məmmədova və Elşad adlı şəxs hadisə yerində ölüblər. Sürücü M. Cəfərov və digər şərnişin Tovuz rayon sakini, 1967-ci il təvəllüdlü Zabitə Səbuhi qızı Quliyeva ağır bədən xəsarətləri alıblar. Yaralılar Gəncədə özəl xəstəxanaya və Gəncə şəhər Təcili Tibbi Yardım Xəstəxanasına yerləşdiriliblər. Onların vəziyyətlərinin ağır olduğu bildirilir. Faktla bağlı Göygöl rayon Polis Şöbəsində araşdırma aparılır.



Regionsesi.az