Bu mövzuda hər nə qədər çox yazılmış, üzərinə filmlər və seriallar çəkilmiş olsa da, hər çağın gündəmdən düşməyən baş mövzusu gəlin-qayınana əlaqəsidir.

Evliliklərdə hörməti ən çox pozan problemlərin başında gəlin-qayınana arasında yaşanan, düşününcə əslində ər-arvadın birə-bir yaşamadığı bir problem olması qulağa qəribə gəlmirmi?

Görəsən başlıca səbəb iqtidar döyüşüdürmü?

Bu problemin iqtidar döyüşündən qaynaqlandığını neçə qadın etiraf edə bilər bilmirəm. İşin özünə baxsanız, bəhanə olaraq təqdim edilsə belə, əslində gəlin də qayınana da çox vaxt bir-birlərinin tərzini qəbul etmiş olur. Hər iki qadın üçün də əsl səbəb bir-birlərindən həzz almamaları, ya da bir-birlərini əsla bağışlaya bilməyəcək olmaları da deyil. Əslində iki qadın da kimin daha güclü olduğunu və oğulun üzərində kimin daha təsirli olduğunu ölçməyə çalışır. Kişi kimin yanında iştirak etsə, o qadın özünü digərindən daha üstün hiss edir və göz dağı vermiş olur.

Niyə qayınanaların bu problem səbəbiylə gəlinləri qədər təsirlənmədiklərini düşünsək, əslində həllin bir parçasını da görmüş olarıq.

Çünki hər qayınana bir şəkildə gəlinini təsdiqləmir və arvadına uyğun gəldiyi üçün oğuluna da hirslənir, amma bir neçə qayınana bir araya gəldiyində dərdləşib, geri addım atmaq məcburiyyətində qaldıqları nöqtəni isə "nə edim, uşağımın xoşbəxtliyi üçün dözürəm" deyə açıqlayırlar. "Analıq" fədakarlığı etdiklərini vurğuladıqları bu nöqtədə də bir-birlərini təqdir edərək ucaldırlar. Üstəlik onların da öz qayınanaları ilə zamanında yaşadıqları problemlər səbəbləriylə daha təcrübəli olduqlarını da unutmamaq gərəkir.

Halbuki gəlinlər, kilidləndiklərini hiss etdikləri və ərlərinə analarına qarşı istədiklərini etdirə bilmədikləri nöqtədə, bunu bir uduzma olaraq qəbul edirlər.Ərlərinin analarının tərəfini tutduqlarını düşündükləri müddətdə ər üçün fədakarlıq etmələri də mümkün ola bilməyəcəyindən, bu uduzma içlərində gedərək bir hirs topuna çevrilir və həm öz həyatlarını, həm də evliliklərini cəhənnəmə çevirirlər.

Hər gəlinin, bu nöqtədə duyğularıyla deyil ağılıyla davranması gərəkdir;

1- Əvvəlcə qayınananızla yaşadığınız problem onunla sizin aranızdadır; sizin yaşadığınız problemin həlli yoldaşınızda deyil, sizdədir.

2- Qayınananıza qarşı müsbət duyğular bəsləmirsinizsə və onun yaxşı niyyətli davrandığını düşünmürsünüzsə belə, niyə sizi üzən bir insana görə yoldaşınızla mübahisə edəsiniz? Siz ərinizlə mübahisə edərkən böyük ehtimal ki, o evdə hüzur içində serialını seyr edir.

3- Siz hər nə qədər hirsli olursuz olun, unutmayın ki o yoldaşınızın anasıdır. Yoldaşınız əsla anasını sizin gözünüzdən görə bilməyəcək, problemi sizin kimi şərh etməyəcək, şərh etsə də etiraf etməyəcək.

4- Yoldaşınızın sizi qorumasını gözləməyin, siz özünüzü -hörmət və nəzakət çərçivəsində- qoruya biləcək qədər böyüksünüz. Yoldaşınızsa anasının qarşısına hər keçdiyində, dəcəllik etdiyi üçün, danlaq eşitdiyi qısa şalvarlı günlərinin psixologiyasında olacaq.

5- Yoldaşınıza əsla "ya o, ya mən" deməyin. Özünüzü, sizə görə səhvli davranan bir insanla eyni səviyyəyə qoymanın məntiqi yoxdur. Üstəlik heç kim təhdid altında seçki edərək xoşbəxt olmaz.

6- Qayınananızdan şikayət edib dayanmaq və evdəki hüzurunuzu pozmaq yerinə bu problemi necə həll edəcəyinizi düşünün. Qayınananızın sizə olan davranışlarını dəyişdirmək istəyirsinizsə, bu mövzuda sizin nə edə biləcəyinizi düşünün. Kimsə siz istəyirsiniz deyə dəyişməz, ancaq sizə necə davranılacağını siz təyin edərsiniz. /Qadin.net/