Hadisə bu gün saat 15:00 radələrində Goranboy-Ağcakənd yolunun 12 km- də rayonun Səfikurd kəndindən keçən hissəsində qeydə alınıb. Kənd sakini 57 yaşlı Sərdar Həsənov idarə etdiyi VAZ 2107 markalı avtomobillə üzü rayon istiqamətində hərəkətdə olarkən həmyerlisi Rauf Şərifovin idarə etdiyi "Ford Tranzit" markalı yük maşınıyla toqquşub. Zərbənin gücündən hər iki avtomobil yoldan çıxaraq dərəyə yuvarlanıb, ciddi deformasiyaya uğrayıblar. Qəza nəticəsində minik maşınının sürücüsü ağır bədən xəsarətləri ilə Goranboy rayon mərkəzi xəstəxanasına yerləşdirilib. Xəstəxanadan verilən məlumata görə, sürücünün vəziyyəti orta ağır olaraq qalır. İlkin ehtimallara görə, qəzaya səbəb yüksək sürət olub. Faktla bağlı Goranboy rayon Polis Şöbəsində araşdırma aparılır. Qeyd edək ki, minik maşınının sürücüsünün sərxoş olduğu da söylənilir.

http://kepeztv.az