Son günlər havaların yağmurlu keçməsi cənub bölgəsinin bəzi dağlıq ərazilərində olduğu kimi, Cəlilabad-Yardımlı avtomobil yolunun Pərdi kəndindən keçən hissəsində də torpaq sürüşməsinə səbəb olub.
Nəticədə yolda nəqliyyat vasitələrinin hərəkətində bir sıra çətinliklər yaranıb.
"Qafqazinfo"nun məlumatına görə, Cəlilabad rayon fövqəladə hallar komissiyasının sədri Asif Əzizov AzərTac-a bildirib ki, yeni salınmış yolda sürüşməyə məruz qalmış ərazinin bərpa edilməsi istiqamətində zəruri tədbirlər həyata keçirilib, avtomobillərin intensiv hərəkəti təmin olunub.