Paytaxtda baş vermiş ağır yol-nəqliyyat hadisəsi nəticəsində 1 nəfər ölüb, 2 nəfər yaralanıb. Şirvan şəhərində baş verən yol qəzasında isə iki qardaşdan biri dünyasını dəyişib .

İlk hadisə paytaxtın Nizami rayonu ərazisində, Ziya Bünyadov prospektində qeydə alınıb. 49 yaşlı Fərrux Şahmazovun idarə etdiyi "VAZ-2107" markalı avtomobil, Ziya Bünyadov prospekti ilə metronun "Qara Qarayev" stansiyası istiqamətində hərəkətdə olarkən, əks hərəkət zolağına çıxıb. Nəticədə �VAZ-2107� qarşıdan gələn Orxan Nağıyevin idarə etdiyi "Chevrolet"lə toqquşub. Toqquşma çox güclü olduğundan VAZ -ın sürücüsü sükan arxasında dünyasını dəyişib. Fərrux Şahmazovun meyidinin deformasiyaya uğramış avtomobildən çıxarılması üçün hadisə yerinə Fövqəladə Hallar Nazirliyinin Xüsusi Riskli Xilasetmə Xidmətinin əməkdaşları cəlb ediliblər. "Chevrolet" markalı avtomobil isə toqquşmadan sonra qəfildən alışıb. Sürücü Orxan Nağıyev və sərnişin Vüqar Əliyev hadisə şahidləri tərəfindən yaralı vəziyyətdə avtomobildən çıxarılıb. Onlar 3 saylı Şəhər Klinik Xəstəxanasına çatdırılıblar. Xəstəxanadan verilən məlumata görə, yaralıların vəziyyəti orta ağırdır. Hadisə yerinə cəlb edilən yanğınsöndürmə briqadaları yanan avtomobili söndürülərək və alovun ətrafdakı digər avtomobillərə keçməsinin qarşısı alınıb. �Chevrolet� isə yanaraq yararsız vəziyyətə düşüb. Faktla bağlı Nizami RPİ-də araşdırma aparılır.
Daha bir ağır yol nəqliyyat hadisəsi ötən gecə Şirvan şəhəri Heydər Əliyev prospektində qeydə alınıb. Şəhər polis şöbəsindən verilən məlumata görə, Şirvan sakini, 30 yaşlı Məhəbbət Şirməmmədovun idarə etdiyi "VAZ 2101" markalı avtomobillə digər Şirvan sakini 39 yaşlı Rafiq Hümbətovun idarə etdiyi "Ford Tranzit" markalı avtomobil toqquşub. Nəticədə "VAZ 2101" markalı avtomobilin sürücüsü və avtomobildə olan qardaşı -25 yaşlı Cəmil Şirməmmədov ağır kəllə-beyin travması ilə Şirvan şəhər xəstəxanasının reanimasiya şöbəsinə yerləşdirilib. Sürücü aldığı bədən xəsarətlərindən bu gün səhər saatlarında dünyasını dəyişib. İkincinin vəziyyəti ağır olduğundan Bakı şəhəri neyrocərrahiyyə mərkəzinə aparılıb. Faktla bağlı Şirvan polis şöbəsində araşdırma aparılır.

http://kepeztv.az