Onlar saxlanılıb

Rusiya DİN cinayət axtarış şöbəsinin əməkdaşları SOBR “Rıs” döyüşçülərinin dəstəyi ilə Moskva vilayətinin Solneçnoqorsk rayonunun kəndlərinin birində adam oğurlamaqda və zorla pul almaqda şübhəli bilinən 29, 46 və 48 yaşları olan üç Azərbaycan vətəndaşını saxlayıblar.

Bu barədə Rusiya Federasiyası DİN mətbuat xidməti bildirib.

“May ayının sonunda Moskvada cinayətkarlar əslən Azərbaycandan olan 26 yaşlı sahibkarı oğurlayıblar və onun azad edilməsi üçün qohumlarından 10 milyon dollar istəyiblər. Oğurlanan şəxsin saxlanıldığı evə baxış zamanı PM markalı tapança və 7 güllə aşkar edilərək müsadirə edilib. Oğurlanan şəxs azad edilib”, - məlumatda deyilir.

Hal-hazırda saxlanılan şəxslərin paytaxt regionunda törədilən digər cinayətlərə də aidiyyatlılıqları yoxlanılır.