Yanğın zamanı xəsarət alan olmasa da, obyekt tamamilə yanaraq kül olub.

Masallı rayonun Tatyanoba kəndində 46 yaşlı kənd sakini Süleyman Mikayıl oğlu Qurbanovun fərdi təsərrüfatında yerləşən, mebel sexində qəfil yanğın baş verib. Bu zaman ev sahibləri evdə olmadığından hadisədən ilk əvvəl qonşular xəbər tutub və dərhal Masallı Dövlət yanğından mühafizə hissəsinə məlumat verilib. Hadisə yerinə Masallı Rayon Yanğından Mühafizə Hissəsindən 3, Göytəpə şəhərindən isə 1 yanğınsöndürən maşın və şəxsi heyət cəlb edilib. Yanğınsöndürənlərin səyi nəticəsində alovun yaxınlıqdakı yaşayış evlərinə keçilməsinin qarşısı alınıb. Saat 13.15 radələrində başlayan yanğın 17 radələrində tam söndürülüb.Yanğın zamanı xəsarət alan olmasa da, təsərrüfat sahibinə məxsus ümumi sahəsi 680 kvadratmetr olan tikili, o cümlədən 90 kv.m-lik şəxsi avadanlıq, 200 kv.m-lik toyuq-cücə saxlanılan yer və 390 kv.m-lik mebel sexi içindəki xammal və avadanlıqlarla birlikdə yanaraq yararsız vəziyyətə düşüb. İlkin versiya kimi yanğının sexdəki elektrik xətlərində yaranan nasazlıq səbəbindən baş verdiyi deyilir. Faktla bağlı araşdırma aparılır.

http://kepeztv.az