Belçikada baş vermiş terror aktı birjalara təsirsiz ötüşməyib.

Dünənki nikbinlikdən sonra neftin qiymətində yenidən geriləmə müşahidə olunur. Buna, ötən gün Belçikanın paytaxtında çox sayda insanın ölümü ilə nəticələnən teraktın səbəb olduğu güman olunur.
ANS PRESS-in məlumatına görə, hazırda dünya birjalarında “Brent” markalı neftin bir barelinin qiyməti 41.48 dollar təşkil edir.
“WTI” markalı neftin qiymətində də düşüş müşahidə olunur. Ötən gün 41.54 dollar olan “Texas” markalı neftin bir barelinin qiyməti hazırda 41.08 dollar müəyyən olunub.

Ötən həftə keçirilən son hərracda “AzəriLayt” markalı neftin bir barelinin qiyməti 42,63 dollar təşkil edib.
Əlvan metallarda isə qızılın qiymətində cüzi ucuzlaşma olsa da digər metallarda bahalaşma müşahidə edilir. "Bloomberg"in məlumatına görə, qızılın 1 qramı bir qədər ucuzlaşaraq 40,05 dollar olub. Platinin 1 qramı 31.75 dollar, palladiumun 1 qramı isə 19.41 dollar olub. Gümüşün qiyməti cüzi bahalaşma ilə 1 qram üçün 0.50 dollar müəyyənləşib.
Novruz bayramı münasibəti ilə tətil elan edildiyi üçün bu həftə valyutanın məzənnələri AMB-nin son göstəricilərinə əsasən stabil qalacaq.