23-04-2016, 12:05 Oxunub: 548

Sosial evlərin tikintisinə başlanılır

Sosial evlərin tikintisinə başlanılır











“Artıq bəzi rayonlarda tenderlər keçirilib”

Azərbaycanda sosial evlərin tikilməsi ilə bağlı müəyyən layihələr həyata keçirilir. Artıq buna start verilib və müəyyən rayonlarda tenderlər baş tutub.

Bunu AzVision.az-a açıqlamasında millət vəkili Vahid Əhmədov bildirib.

Deputatın sözlərinə görə, sosial evlərin tikilməsi ilə işlər davam etdirilir:

“Artıq bəzi rayonlarda tenderlər keçirilib. Sosial evlərin tikilməsi ilə bağlı ciddi problem mövcud deyil. Layihənin həyata keçirilməsi çox vacibdir.

Çünki əhalinin böyük hissəsinin evə ehtiyacı var. Sosial layihə əsasən orta və aşağı təbəqə üçün nəzərdə tutulub. Bunun ən mühüm cəhəti ondan ibarətdir ki, əgər ipoteka yalnız iri şəhərlər üçün nəzərdə tutulmuşdusa, sosial evlərin tikilməsi ölkənin bütün rayonlarını əhatə edəcək. Aztəminatlı ailələr sosial evlərdən istifadə edə biləcəklər”.

Qeyd edək ki, prezident İlham Əliyev bu ilin aprelin 11-də Azərbaycan Respublikasının Prezidenti yanında Mənzil İnşaatı Dövlət Agentliyinin yaradılması haqqında fərman imzalayıb. Agentlik Azərbaycan Respublikası vətəndaşlarının yaşayış sahələrinə olan ehtiyacını ödəmək, onların mənzil-məişət şəraitini yaxşılaşdırmaq, müasir memarlıq üslubunda ekoloji və enerji səmərəliliyi tələblərinə cavab verən çoxmənzilli binaların tikilməsini təmin etmək, habelə bununla bağlı şəhərsalma və tikinti sahələrində dövlət idarəetməsini təkmilləşdirmək məqsədi ilə yaradılıb.

Azərbaycan Respublikasının Mənzil İnşaatı Dövlət Agentliyinin direktoru Samir Nuriyev təyin edilib.
Əhaliyə iki müjdə Əhaliyə iki müjdə Sosial Prezident tapşırıq verdi Prezident tapşırıq verdi Sosial İlham Əliyev bu dövlət qurumunu ləğv etdi, nazirliyin tərkibinə verdi - FƏRMAN İlham Əliyev bu dövlət qurumunu ləğv etdi, nazirliyin tərkibinə verdi - FƏRMAN Gundem Bakıda 35 yaşayış binası söküləcək Bakıda 35 yaşayış binası söküləcək Sosial Gənclərə şad xəbər — Mənzil problemi həll edilir +VİDEO Gənclərə şad xəbər — Mənzil problemi həll edilir +VİDEO Iqtisadiyyat