Bu pivə zavodu fəaliyyətini dayandırdı - Azərbaycanda

Bu pivə zavodu fəaliyyətini dayandırdı - Azərbaycanda








Azərbaycan pivə bazarının 75%-nə nəzarət edən "Baltika-Bakı" MMC sentyabrın 1-dən istehsalı 2 ay müddətinə dayandıracaq.

Bu barədə Şirkətin korporativ ünsiyyətlər üzrə mütəxəssisi Lalə Əfəndi məlumat verib.

Onun sözlərinə görə, sentyabr-oktyabr aylarında "Baltika-Bakı" yalnız satışla məşğul olacaq. Tələbatı ödəmək üçün hazırda Şirkətdə pivə istehsalı davam edir.

"Baltika-Bakı"nın qiymətləndirməsinə əsasən, bu ilin ilk yarısında Azərbaycanın pivə bazarı 30% kiçilib. Buna səbəb isə manatın 2 dəfə dəyərdən düşməsi, eləcə də bu ilin əvvəlində aksiz markası ilə markalanan malların nağd hesablaşma əsasında satışının müvəqqəti qadağan edilməsidir. Bundan başqa, Tarif Şurasının mayın 16-da qəbul etdiyi qərarla su növlərinin xammal və texniki təyinatı üzrə ayrılması ləğv edilib, standart 8 manatlıq qiymət müəyyən edilib. Bu isə Şirtkətin təkcə bu il xərclərini 420 min manat artırıb.

"Sadalanan hallar, Ramazan ayı ərzində satışın kəskin şəkildə aşağı düşməsi və illik satışın 70% əhatə edən yayın ilk aylarında satış üçün qeyri-qənaətbəxş hava şəraiti ilə əlaqədar hazırda şirkətin rentabelliyi təhlükə altındadır. Buna görə şirkət “qaynar mövsüm” başa çatdıqdan sonra iki aylıq məcburi boşdayanmaya çıxmağa qərar verib. Bu dövrdə əməkdaşların təqribən 80%-i boşdayanmaya göndəriləcək və sosial paketin qüvvədə qalması şərti ilə onlara əmək haqlarının 2/3 hissəsi ödəniləcək", - deyə "Baltika-Bakı"dan bildirilib.

Qeyd edək ki, Xırdalan şəhərində yerləşən pivə zavodunun illik istehsal gücü 10 mln. dekalitr təşkil edir. "Baltika-Bakı"da təqribən 250 əməkdaş çalışır və təxminən 400 nəfər (distribütor, agentliklər və podradçılar) iş prosesinə cəlb olunub. Zavodun inkişafına yatırılan ümumi məbləğ 47 mln. manatdan çoxdur, illik vergi ödəmələri isə təqribən 20 mln. manat təşkil edir.(report)
XƏBƏR LENTİ
Bütün xəbərlər
Maraqlı
“30 il sonra robotlar yüksək vəzifələr tutacaq” - Cek Ma
Meymunla qızı kim evləndirib? - Goranboyla bağlı daha bir maraqlı hadisə
Vanqanın 2017-ci ilin may ayı üçün dəhşətli proqnozu - Bu 3 bürcü bədbəxtlik gözləyir, 4 bürc isə...
60 yaşlı polkovnik 4-cü dəfə evləndi - Özündən 28 yaş kiçik qızla
Roza Zərgərli: "O TV-lərin mənə niyə qadağa qoyduğunu desəm ...” - MÜSAHİBƏ
Həftənin çox oxunanları
Video
“Səni tutacağıq” - Yaxını həbs olunan köçkündən merə (Video)
Surət Hüseynovun Hollandiyada bıçaqlanan cangüdəninin - Qanlı video və fotoları yayıldı
Azərbaycanda bütün qəbirlər eyni formada olacaq - Video
20 qəpiklik dərmanı məhlul halına salıb 5 manata satırlar - Video
İlqarə plastik əməliyyatdan sonra - Video