Baş bankir müjdəsi: 1 dollar 2, 50 manat olmayacaq, amma Elman Rüstəmov hər danışanda…

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

Prezident niyə Berlinə Füzulidən uçdu? - 3 MESAJ

İlham Əliyev Qırğızıstan prezidentinə Qarabağ atı hədiyyə etdi - FOTO

Azərbaycan və Qırğızıstan prezidentləri Füzulinin Baş planı ilə tanış olublar - YENİLƏNİB

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Baş bankir müjdəsi: 1 dollar 2, 50 manat olmayacaq, amma Elman Rüstəmov hər danışanda… - Fakt

Iqtisadiyyat

Oxunub: 18 941

28 yan 2017 | 05:51

Mərkəzi Bankın İdarə Heyətinin sədri Elmar Rüstəmov tam üzən məzənnəyə keçiddən sonra 1 dolların 2 manat 50 qəpik ola biləcəyinə dair yayılan məlumatlara münasibət bildirib

Politika.Az xəbər verir ki, Elman Rüstəmov unikal.org-a danışıb. Deyib ki, bu gün dolların manata nisbəti üzən məzənnə ilə müəyyən edilir:

“Amma mən 1 dolların 2 manat 50 qəpik olmasını proqnozlaşdırmıram. Yəni, bu barədə yayılan məlumatlar həqiqətə uyğun deyil. Hesab etmirəm ki, dollar 2 manat 50 qəpik olacaq”.

E.Rüstəmov həmçinin bildirib ki, bu gün dolların məzənnəsi təkcə Azərbaycanda deyil, dünyanın əksər ölkələrinin milli valyutasına nisbətdə bahalaşıb.

Paradoksal vəziyyət ondan ibarətdir ki, həmişə baş bankir devalvasiya olmayacağı, daha artıq manatın ucuzlaşmayacağını deyəndə əksinə baş verir. Bu dəfə də AMB sədrinin söylədikləri qorxulu bir hiss yaradır. Ekspertlər də 1 dolların 2 manat 50 qəpik olacağını bildirirlər.

Politika.Az xəbər verir ki, iqtisadı Vüqar Bayramov bildirmişdi ki, Mərkəzi Bank "üzən məzənnə”yə keçdiyini elan etsə də, mövcud siyasətin bazara təsir imkanları məhduddur: “Yenə də rəsmi məzənnə var. Rəsmi məzənnə ilə bazar məzənnəsi arasında 4 faizlik marj tətbiq edilir.

Belə olan təqdirdə bazarın məzənnəyə təsir imkanları məhdudlaşır. Bu isə "qara bazar”ın daha da genişlənməsinə gətirib çıxarır.

Təəssüf ki, bu gün "qara bazar”da 1 dolları almaq üçün 1 manat 92 qəpik ödəmək lazım gəlir. Bu da ondan xəbər verir ki, əslində "qara bazar”da bankların təklif etdiyi, amma satmadığı məzənnə arasında kəskin fərq var”.

Politika.Az xəbər verir ki, iqtisadçının sözlərinə görə, hazırda manatın real bazar dəyərini də müəyyənləşdirmək çox çətindir:

"Nəzərə almaq lazımdır ki, hərraclarla bağlı məlumatlar qapalıdır, yalnız ayın yekununda açıqlanır. Məlumatlar ictimaiyyətə elan olunmadığı üçün yenə də bazar dəyərinin müəyyənləşdirilməsində çətinliklər var. Əslində Mərkəzi Bank hər bir hərracdakı məlumatları ictimaiyyətə şəffaf şəkildə elan etməlidir.

Bizim qiymətləndirmələrimiz göstərir ki, liberal məzənnə siyasətinə keçid baş verərsə, 1 dollar 2 manat 20 qəpiklə 2 manat 50 qəpik arasında dəyişə bilər.

Bu, Mərkəzi Bankın prosesə hansı səviyyədə hazırlaşmasından asılı olacaq. Mərkəzi Bank müxtəlif metodlardan istifadə edib bazar təklifi yaradaraq, əks dollarlaşma prosesinə start verəcəksə, o zaman manat nisbətən az dəyər itirəcək”.