Ölkə böhranın cəngində: Otel, şadlıq evi, fitnes zalı, gözəllik salonunda təkrar bahalaşma

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

Prezident niyə Berlinə Füzulidən uçdu? - 3 MESAJ

İlham Əliyev Qırğızıstan prezidentinə Qarabağ atı hədiyyə etdi - FOTO

Azərbaycan və Qırğızıstan prezidentləri Füzulinin Baş planı ilə tanış olublar - YENİLƏNİB

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Ölkə böhranın cəngində: Otel, şadlıq evi, fitnes zalı, gözəllik salonunda təkrar bahalaşma - Fakt

Iqtisadiyyat

Oxunub: 10 750

6 fev 2017 | 07:28

Azərbaycanda bahalaşma bütün sahələri cənginə alıb. Elə bir obyekt yoxdur ki, tarifləri dəyişməsin

Artıq otellərdə, restoranlarda, şadlıq evlərində, istirahət mərkəzlərində, fitnes-trenajor zallarında, gözəllik salonlarında qiymətlər qaldırılıb.

Məsələn, ətin qiymətinin bahalaşması şadlıq evlərindən də yan keçməyib. Menyulardakı yeməklərin daha çox ət və ət məhsulları ilə hazırlanması restoran sahibləri üçün də müəyyən problemlər yaradıb.

Restoran inzibatçılarının sözlərinə görə, son zamanlar, ümumiyyətlə şadlıq evlərində toy edənlərin sayında azalma var.

Əgər toy qiymətlərində də artımlar olsa, bu zaman onlar tamamilə müştərisiz qala bilərlər. Elə buna görə də müəyyən vasitələrlə qiyməti artırmadan müştəri cəlb etməyə çalışırlar.

Qəssablar isə əgər belə davam edərsə, qiymətlərdə bir qədər də artımın olacağını deyirlər. Belə olan halda restoran qiymətlərinin sonrakı aqibəti necə olacaq, bu, sual altındadır.

Politika.Az-ın verdiyi məlumata görə, elektrik enerjisi və mavi yanacağın qiymətində artım obyektlərə dərhal təsirini göstərib.

Eyni zamanda ərzaq məhsullarının bahalaşması də restoranların, hotellərin işini çətinləşdirib. Onlar məcburi şəkildə qiymət artımına getməli olublar. Çünki əksər restoranlarda qaz sobalarından çox elektrik enerjisi ilə çalışan avadanlıqlardan istifadə olunur.

Həmçinin sobalardan tutmuş kondisionerlərə qədər bütün elektrik cihazları üzrə qoyulmuş həddi keçdiyinə görə restoranların xərci çoxalıb.

Şadlıq evləri böhran içindədir. Bir tərəfdən iqtisadi vəziyyət toyların kəskin şəkildə azalmasına təsir edib, digər tərəfdən bahalaşma vəziyyəti ağırlaşdırıb.

Habelə, kosmetika məhsullarının qiymətində 50 faiz bahalaşma müşahidə olunur. Bu da işləyən qadınların, evdar xanımların isə həyat yoldaşlarının büdcəsinə böyük zərbədir.

Ərzaq, sərnişindaşınma, dərman və ümumilikdə bütün sahələrdə dəhşətli bahalaşma gedir, ş yerləri bağlanır, maaşlar kəsilir, işsizlər ordusu yaranır.

Ölkə 90-cı illərin ən ağır yoxsul dövrünə qaytarılır. Cəmiyyət panika və ajiotaj içindədir. Çünki işıq və qazın bahalaşması bütün sahələrdə qiymət artımı ilə nəticələnib.