27-04-2017, 11:08 Oxunub: 428

Hökumət qərar verdi - Onlar şəhər və rayondaxili avtobuslarda ödəniş etməyəcək

Hökumət qərar verdi - Onlar şəhər və rayondaxili avtobuslarda ödəniş etməyəcək
















Azərbaycanda müntəzəm şəhərdaxili (rayondaxili) avtobus marşrutlarında 5 yaşadək uşaqlar ödənişsiz gedəcəklər

Bu, Nazirlər Kabinetinin "Avtomobil nəqliyyatı ilə sərnişin və baqaj daşınması Qaydaları”nda etdiyi dəyişiklikdə əksini tapıb.

Qüvvədə olan qaydaya əsasən, müntəzəm avtobus marşrutlarında sərnişin özü ilə ayrıca yer tutmadan gediş haqqı ödənilmədən 5 yaşa qədər bir uşaq aparmaq hüququna malikdir. Ayrıca yer tutan 5 yaşa qədər uşağa uşaq bileti alınmalıdır. Sərnişinlə 5 yaşa qədər bir neçə uşaq getdikdə pulsuz gedən bir uşaqdan başqa hər birinə, həmçinin 5 yaşdan 10 yaşadək hər bir uşağa uşaq gediş bileti alınmalıdır. 10 yaşdan yuxarı olan uşaqların getməsinə görə gediş haqqı müəyyən olunmuş tarifin tam həcmində alınır. Marşrut taksi rejimində işləyən avtobuslarda uşaq biletləri tətbiq edilmir və ayrıca yer tutan uşağa müəyyən olunmuş tarifin tam həcmində gediş bileti alınır.

Dəyişikliyə əsasən, bundan sonra şəhərdaxili (rayondaxili) avtobuslar istisna olmaqla, müntəzəm avtobus marşrutlarında sərnişin özü ilə ayrıca yer tutmadan gediş haqqı ödənilmədən 5 yaşa qədər bir uşaq aparmaq hüququna malik olacaq.

Yəni şəhərdaxili (rayondaxili) avtobuslarda 5 yaşadək uşaqların ödənişsiz gedişi ilə bağlı say məhdudiyyəti qoyulmayacaq.
Bakı metrosunda gediş haqları qaldırılır Bakı metrosunda gediş haqları qaldırılır Iqtisadiyyat Bakı metrosunda gediş haqları qaldırılır Bakı metrosunda gediş haqları qaldırılır Iqtisadiyyat "Metroda gediş haqqı bahalaşa bilər" - ekspert Iqtisadiyyat Azərbaycanda nəqliyyat şirkətlərinin sərnişin daşımalarına cəlb olunması qaydası dəyişib Azərbaycanda nəqliyyat şirkətlərinin sərnişin daşımalarına cəlb olunması qaydası dəyişib Sosial Baş nazir avtomobil nəqliyyatı ilə bağlı qaydaları dəyişdi Baş nazir avtomobil nəqliyyatı ilə bağlı qaydaları dəyişdi Sosial