1-07-2017, 11:19 Oxunub: 3 243

Kredit borcu olanlara şad xəbər

Kredit borcu olanlara şad xəbər

















"Konstitusiya Məhkəməsi hələ 2012-ci ildə borcu ödəyə bilməyənin həbsini yasaq edib. Amma məhkəmələr bununla hesablaşmır"

Bu barədə bank və maliyyə məsələləri üzrə tanınmış ekspert Əkrəm Həsənov "Facebook" səhifəsində yazıb. O bildirib ki, Konstitusiya Məhkəməsi Plenumunun "Azərbaycan Respublikası Cinayət Məcəlləsinin 306.1-ci maddəsinin şərh edilməsinə dair" 2 oktyabr 2012-ci il tarixli Qərarında sırf borcun ödənilməsi məsələsi üzrə məhkəmə aktının qərəzli icra edilməməsinin 5 mütləq əlaməti sadalanır:

1) məhkəmə qərarında nəzərdə tutulmuş tələblərin həmin qərarda müəyyən edilmiş müddət ərzində icra edilməməsi;

2) borcluya məhkəmə qərarının icra edilməməsi haqqında dəfələrlə rəsmi xəbərdarlıq edilməsi;

3) borclunun məhkəmə qərarını icra etməməsinə görə inzibati məsuliyyətə cəlb edilməsi;

4) borclu tərəfindən məhkəmə qərarının icrası üçün yetərli tədbirlərin görülməməsi;

5) borclunun məhkəmə qərarının icrası üçün faktiki imkanlarının olması.

Ə.Həsənov əlavə edib: "Göründüyü kimi, "borclunun məhkəmə qərarının icrası üçün faktiki imkanlarının olması" məhkəmə aktının qərəzli icra edilməməsinin mütləq əlamətidir (bütün əlamətlərin mövcudluğunu da təbii, borclu deyil, onu ittiham edən sübut etməlidir). Yəni sadalanan digər 4 əlamət mövcuddursa belə, amma borclunun borcu ödəməyə faktiki imkanı yoxdursa, burada hər hansı qərəzdən və məsuliyyətdən söhbət gedə bilməz".

Ekspertin sözlərinə görə, təbii, analoji yanaşma İnzibati Xətalar Məcəlləsinin 528.1-ci maddəsi üzrə inzibati həbslərə də aiddir: "Çünki orada da söhbət məhkəmə aktının üzrsüz icra edilməməsindən gedir. Borclunun imkanı yoxdursa, deməli, üzrlüdür və heç bir məsuliyyətə cəlb oluna bilməz". (Qaynarinfo)
Vergilər Nazirliyinə yeni səlahiyyətlər verildi Vergilər Nazirliyinə yeni səlahiyyətlər verildi Iqtisadiyyat Ekspertdən Prezident Fərmanı ilə bağlı – ŞƏRH Ekspertdən Prezident Fərmanı ilə bağlı – ŞƏRH Siyaset Kredit borcu olanların nəzərinə - VACIB MƏLUMAT Kredit borcu olanların nəzərinə - VACIB MƏLUMAT Iqtisadiyyat Kredit borcu olanların və onlara zamin duranların diqqətinə Kredit borcu olanların və onlara zamin duranların diqqətinə Iqtisadiyyat İlham Əliyev çirkli pullarla bağlı fərman verdi İlham Əliyev çirkli pullarla bağlı fərman verdi Siyaset