Bu məhsula gömrük rüsumu 10 dəfə artırılır

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

İlham Əliyev Ramazan bayramı münasibətilə Azərbaycan xalqını təbrik edib

Bir sıra məhkəmələrə sədr və hakimlər təyin edilib - SƏRƏNCAM

Bu məhsula gömrük rüsumu 10 dəfə artırılır

Iqtisadiyyat

Oxunub: 1 409

15 dek 2017 | 10:43

Bu məhsula gömrük rüsumu 10 dəfə artırılır

Gələn il yanvarın 1-dən Azərbaycana idxal edilən açılmağa yararlı barama qurdunun baraması, eşilməmiş xam ipək, pərakəndə satış üçün qablaşdırılmamış ipək sapa tətbiq edilən gömrük idxal rüsumları artırılacaq.

Oxu.Az APA-ya istinadən xəbər verir ki, bu barədə Nazirlər Kabinetinin təsdiq etdiyi “Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ndə qeyd edilib.

Hazırda qüvvədə olan “Azərbaycan Respublikasının ərazisinə gətirilən mallar üzrə gömrük idxal rüsumlarının dərəcələri”nə əsasən hazırda açılmağa yararlı barama qurdunun baraması idxal gömrük rüsumundan azaddır, eşilməmiş xam ipəyə 0,50 faiz idxal gömrük rüsumu tətbiq edilir. Gələn il yanvarın 1-dən açılmağa yararlı barama qurdunun baraması və eşilməmiş xam ipəyə 5 faiz idxal gömrük rüsumu tətbiq olunacaq. İpək tullantılarından iplik istisna olmaqla, pərakəndə satış üçün qablaşdırılmamış ipək sapa tətbiq edilən 5 faiz idxal gömrük rüsumu da 15 faizə qaldırılır.

Pərakəndə satış üçün qablaşdırılmamış ipək tullantılarından iplikdən ağardılmamış, yuyulmuş və ya ağardılmış ipliklərə tətbiq edilən 5 faiz idxal gömrük rüsumu gələn il də qüvvədə olacaq. Ancaq pərakəndə satış üçün qablaşdırılmamış ipək tullantılarından digər ipliklərə tətbiq edilən 5 faiz idxal gömrük rüsumu 15 faizə qaldırılacaq.

Pərakəndə satış üçün qablaşdırılmış ipək sap və ipək tullantılarından iplik və barama qurdunun ipək ifraz edən vəzilərindən alınan lifə və ipək tullantılarına (açılmaq üçün yararsız barama, barama sapının tullantıları və didilmiş xammal da daxil olmaqla) tətbiq edilən 15 faiz idxal gömrük rüsumu isə qüvvədə saxlanılıb.