Deputat Cavanşir Paşazadə Milli Məclisin Aqrar siyasət komitəsinin bu gün keçirilən iclasında çıxış edərkən mənşəyi bilinməyən balıq satışının qanun şəklinə salınmasını müsbət qiymətləndirib.
Deputat bu fikri Milli Məcliisn aqrar siyasət komitəsinin bu gün keçirilən iclasında çıxışı zamanı deyib.

O, bildirib ki, yolda, bazarlarda satılan balıqların mənşəyinin hardan olduğu bilinmir:
“Balıqların necə və harada saxlandığı, onların qidalanmasında hansı gübrələrdən istifadə olunması bilinmir. Bu baxımdan “Balıqçılıq haqqında” qanunda bu məsələlərin nəzərdə tutulması müsbət haldır”.

Deputat Eldar Quliyev komitənin iclasında çıxış edərkən ətraf mühitin qorunması məsələsinə diqqət çəkərək söyləyib ki, bu işdə məsuliyyət hər kəsin üzərinə düşür: “Ətraf mühitin çirklənməsinin qarşısının almaq üçün hər birimiz çalışmalıyıq. Azərbaycanın təbiəti gözəldir, o qorunmalı, saxlanmalıdır”.