8-08-2019, 17:19 Oxunub: 476

Qurban bayramı günlərində telefon və internet abunəçilərinə ŞAD XƏBƏR

Qurban bayramı günlərində telefon və internet abunəçilərinə ŞAD XƏBƏR

Qurban bayramı günlərində əhali fasiləsiz nəqliyyat, telekommunikasiya və poçt xidmətləri ilə təmin ediləcək.
Bu barədə Nəqliyyat, Rabitə və Yüksək Texnologiyalar Nazirliyinin (NRYTN) Mətbuat xidmətindən məlumat verilib.

NRYTN Qurban bayramı günlərində əhalinin nəqliyyat, poçt, telekommunikasiya, o cümlədən internet, mobil rabitə xidmətləri və radio-televiziya yayımı ilə keyfiyyətli və davamlı şəkildə təmin edilməsinə dair tabeli qurumlara, rabitə birlik və müəssisələrinə, həmçinin telekommunikasiya operatorlarına müvafiq tapşırıqlar verib.

Bayram ərəfəsində və bayram günlərində sabit telefonların fasiləsiz işinin təmin edilməsi məqsədilə rabitə xidmətləri borclarına və digər səbəblərə görə telefonların şəbəkədən açılmaması, eləcə də daxil olan müraciətlərə həssaslıqla yanaşılaraq, operativ tədbir görülməsi nəzərdə tutulur.

Bayram günlərində məsul növbətçilər təşkil edilməklə nəqliyyat, telekommunikasiya xidmətlərinin, radio-televiziya yayımının fasiləsiz və keyfiyyətli işinin təmin edilməsi, kabel və xətt zədələnmələrinin operativ aradan qaldırılması, poçt şöbələrində növbəli iş rejiminin təşkili, profilaktik, tikinti-quraşdırma işlərinin dayandırılması, rabitə obyektlərinin mühafizəsinin gücləndirilməsi üzrə müvafiq tədbirlər görüləcək.
Bayram günlərində 1 saylı “Şəbəkə“ xidmət mərkəzi saat 9:00-dan 18:00-dək, digər 8 “Şəbəkə” xidmət mərkəzi saat 10:00-dan 17:00-dək əhaliyə xidmət göstərəcək.

Şəhərlərarası nəqliyyat gücləndirilmiş iş rejimində çalışacaq. Eyni zamanda, Bakı Beynəlxalq Avtovağzalının bayram günlərində gücləndirilmiş iş rejimində fəaliyyəti təmin ediləcək. Sərnişin sıxlığını nəzərə alaraq, lazımi sayda əlavə avtobus xəttə buraxılacaq.

Vətəndaşlardan qarşılaşdıqları müvafiq problemlərlə bağlı “1655” nömrəli “Qaynar xətt”lə əlaqə saxlamaları xahiş olunur.
Qurban bayramında neçə gün iş olmayacaq? – RƏSMİ Qurban bayramında neçə gün iş olmayacaq? – RƏSMİ Sosial Bayram günlərində rayona gedənlərə — ŞAD XƏBƏR Bayram günlərində rayona gedənlərə — ŞAD XƏBƏR Sosial Telefon borcu olanlara şad xəbər – Nazirlik tapşırıq verdi Telefon borcu olanlara şad xəbər – Nazirlik tapşırıq verdi Sosial Hərbi vəziyyətdə telefonlar bloklana bilər – Qaydalar təsdiqləndi Hərbi vəziyyətdə telefonlar bloklana bilər – Qaydalar təsdiqləndi Siyaset Bayram günlərində rabitə və internetlə bağlı problem olmayacaq Bayram günlərində rabitə və internetlə bağlı problem olmayacaq Iqtisadiyyat