Avropada qazın qiyməti son 10 ildə ən aşağı həddə çatıb. Bu haqda “Bloomberg” yazıb.
Bizimyol.info xəbər verir ki, qaz anbarlarının gözlənilən vaxtdan xeyli erkən dolması belə vəziyyətə ortaya çıxarıb. İl üçün nəzərdə tutulan ehtiyatın Şimali Avropada, Avstriyada, İtaliyada avqustun 28-nə qədər 94 faizi toplanıb. Həmin günə qədər 62,3 milyard kubmetr qaz yığılmışdı. Yaxın günlərdə anbarlar tam dolacaq. Bundan sonra qiymətlər bir az da aşağı düşəcək.

Qiymətin enməsi istehsalçıların da qayğısını artırır. İxrac bazarında böyük pay sahibi olan Rusiya kimi dövlətlər ayaqda durmağa çalışacaq.

Ümumiyyətlə, bu yay qaz qiymətləri dayanmadan aşağı düşür. İndi baza qiyməti bir meqavatt-saat üçün 10 avrodan da aşağıdır.

Avropada qışın çox soyuq keçməməsi də qaz qiymətlərinə təsirsiz ötüşmür. Rusiya bazarda payını azaltmağa məcburdur.