16-09-2019, 16:45 Oxunub: 379

Neftin qiyməti 100 dollaradək qalxa bilər — Ekspert

Neftin qiyməti 100 dollaradək qalxa bilər — Ekspert

Əgər Səudiyyə Ərəbistanı baş verən partlayışlardan sonra yaxın zamanlarda dünya bazarını lazımi həcmdə xam neftlə tam təmin edə bilməzsə, o zaman neft 100 dolaradək bahalaşa bilər və xarici ekspertlərin məsələ ilə bağlı verdiyi proqnozların reallaşması istisna deyil.
Bunu “Ölkə.Az”a açıqlamasında neft üzrə ekspert İlham Şaban açıqlamasında deyib.

“Bu gün Səudiyyə Ərəbistanının neft obyektlərinə edilən hücumun reallığı barədə dəqiq məlumat yoxdur. Heç kim dəqiq bilmir ki, hücumlar nəticəsində neft obyektlərinə nə qədər ziyan dəyib, nə qədər dağıntı olub və bu nə vaxt aradan qaldırılacaq. Ona görə də dünya bazarında neftin qiyməti qalxmaqda davam edir. Asiya birjalarında bu gün Brent markalı neft 66,32 dollara satılır. Bu bir daha göstərir ki, neftin qiyməti yüksək templə artır. Yaxın günlər ərzində dünya bazarına lazım olan səviyyədə neft hasil olacağı barədə inandırıcı, qaneedici səviyyədə söz verilməyənədək bazarda neft bahalacaq.

Digər tərəfdən bazara lazım olan həcmdə xam neft daxil olmayacaqsa, avtomatik olaraq qiymət yüksək templə qalxacaq. Bu hansı səviyyədək qalxacaq fikir söyləmək çətindir”, - deyə ekspert qeyd edib.

O, əlavə edib ki, vəziyyət Səudiyyə Ərəbistanı enerji naziri bu gün və ya sabah açıqlayacağı mövqeyindən asılı olacaq:
“Digər tərəfdən ABŞ verdiyi sözə əməl edib bazara lazımi səviyyədə neft ixrac edərsə və yaxud da İraq hasilatı artırarsa o zaman sabitlik olar və hətta sürətlə qiymət enməsinin şahidi ola bilərik”

Məsələ ilə bağlı Reutersə açıqlama verən “Onyx Commodities” baş direktoru Qreq Nyumanın fikrincə, əgər Səudiyyə Ərəbistanı problemi yaxın zamanlarda həll edə bilməzsə, o zaman neftin dünya bazarında qiyməti sürətlə qalxaraq 100 dollar təşkil edə bilər.

ABŞ-da dünya bazarında vəziyyəti stabilləşdirmək üçün strateji neft ehtiyatlarından istifadə etmək barədə razılıq verib.
Trampın telefon zəngi neft bazarını çökdürdü Trampın telefon zəngi neft bazarını çökdürdü Iqtisadiyyat "Neft 100 dollara qədər bahalaşa bilər" - Ekspert Iqtisadiyyat Neft bahalaşdı Neft bahalaşdı Iqtisadiyyat Neftin bu günə olan qiyməti Neftin bu günə olan qiyməti Iqtisadiyyat Səudiyyə Ərəbistanı nazirindən neftin qiymətinə təsir edən – AÇIQLAMA Səudiyyə Ərəbistanı nazirindən neftin qiymətinə təsir edən – AÇIQLAMA Iqtisadiyyat