27-09-2019, 18:22 Oxunub: 434

«Bank Standard»ı 153 nəfər dağıdıb – SİYAHINI İSTƏYİRİK» - QALMAQAL

«Bank Standard»ı 153 nəfər dağıdıb – SİYAHINI İSTƏYİRİK» - QALMAQAL

Hazırda ləğv etmə prosesində olan «Bank Standard»ın müflisləşməsində bankdan böyük məbləğdə təminatsız kreditlər götürən və bu kreditləri onlara ayıran təqribən 153 nəfər günahkardır.

Bunu FED.az-a «Bank Standard»ın Kreditorlar Komitəsinin Sədri Şahin Əhmədov bildirib.

Onun sözlərinə görə, sözügedən 153 nəfər bankdan hərəyə azı 500 min manatdan yuxarı kredit götürüblər. Bu kreditlərin yarısı faizsiz, yarısı da təminatsız verilib. İndi Kreditorlar Şurası həmin şəxslərin adlarının açıqlanmasını və onların ictimailəşdərilməsini istəyir ki, onlar gizlənə bilməsinlər və banka olan kreditləri qaytarsınlar: «Mən Əmanətlərin Sığortalanması Fonduna dedim ki, mənə bu adamların adlarını verin, ictimailəşdirək. Rəsmi məktub da yazmışam»- deyə Ş.Əhmədov bildirib.

«Bu 153 nəfər məqsədli olaraq bankı talayıblar. Onları və onlara kredit verənləri tapıb gətirmək lazımdır. Niyə təminatsız kredit verdiklərini araşdırmaq lazımdır. Məqsəd odur ki, bu adamları tapıb gətirib əmlaklarını əllərindən alıb, satıb insanların pulunu qaytarmaq lazımdır»- deyə «Bank Standard»ın Kreditorlar Komitəsinin sədri bildirib.

Xatırladaq ki, Azərbaycan Respublikası Maliyyə Bazarlarına Nəzarət Palatasının (MBNP) Direktorlar Şurasının 30 sentyabr 2016-cı il tarixli qərarına əsasən “Bank Standard” kommersiya bankının lisenziyası 1 oktyabr 2016-cı ildən etibarən ləğv edilib.

İndiyədək bankın müştərilərə verdiyi 60 milyon kredit geri qaytarılıb, eyni zamanda qaytarılmayan kreditlərin müqabilində 70 milyon manatlıq əmlak bankın balansına verilib.
Bağlanmış banklarda dollar kreditlərinin restrukturizasiyası başlanır Bağlanmış banklarda dollar kreditlərinin restrukturizasiyası başlanır Iqtisadiyyat Bank işçisi bankın adından istifadə edərək avtomobili kreditlə satdı - VİDEO Bank işçisi bankın adından istifadə edərək avtomobili kreditlə satdı - VİDEO Sosial Mərkəzi Bank: İstehlak kreditlərinin həcmi azalıb Mərkəzi Bank: İstehlak kreditlərinin həcmi azalıb Iqtisadiyyat Qazax rayonunda şok dələduzluq faktı - VİDEO Qazax rayonunda şok dələduzluq faktı - VİDEO Bolge / Video Azərbaycanda bəzi banklar kredit verməyi dayandırdı Azərbaycanda bəzi banklar kredit verməyi dayandırdı Iqtisadiyyat