2-10-2019, 13:30 Oxunub: 580

Bakıda bu obyektlər sökülür - Fotolar

Bakıda bu obyektlər sökülür - Fotolar

Bakı şəhərinin Yasamal rayonu ərazisində Şəfayət Mehdiyev küçəsinin Hüseyn Cavid parkına çıxışını təmin etmək məqsədilə uzunluğu 800 m olan və Əbdürrəhim bəy Haqverdiyev küçəsindən Landau küçəsinə qədər uzanan hissəsində yenidənqurma işləri davam edir.

"Qafqazinfo"ya daxil olan məlumata görə, Şəfayət Mehdiyev küçəsinin sözügedən hissəsinin əvvəllər çox ensiz olması avtonəqliyyat vasitələrinin hərəkətində çətinliklərə səbəb olurdu. Bu üzdən Tbilisi prospekti və Hüseyn Cavid parkı istiqamətindən gələn avtonəqliyyat vasitələri məcburən Hüseyn Cavid prospektinə daxil olurdular. Bu isə xüsusən günün pik saatlarında həmin prospektin metronun Elmlər Akademiyası stansiyası qarşısından keçən hissəsində sıxlığa və tıxaca səbəb olurdu.

AAYDA-nin “Azəryolelmitədqiqatlayihə” institutunun hazırladığı layihəyə əsasən, əvvəllər eni 6-7 metr olan küçə genişləndirilərək hərəkət hissəsinin eni 18 m-ə çatdırılır. Bu səbəbdən tikinti altına düşən yaşayış və qeyri-yaşayış obyektlərinin qanunvericiliyə əsasən nəzərdə tutulmuş məbləğdə kompensasiya ödənilməklə söküntüsü aparılır.

Yenidənqurma işləri bitəndən sonra istər Tbilisi prospekti, istərsə də Hüseyn Cavid parkı tərəfdən hərəkətdə olan avtonəqliyyat vasitələri Hüseyn Cavid prospektinə daxil olmadan Şəfayət Mehdiyev küçəsinin Əbdürrəhim bəy Haqverdiyev və Landau küçələri arasında yerləşən hissəsindən istifadə etməklə rahat və maneəsiz şəkildə hərkətlərinə davam edə biləcəklər. Bu isə öz növbəsində Hüseyn Cavid prospektinin metronun Elmlər Akademiyası stansiyası qarşısından keçən hissəsində sıxlığın azalmasına səbəb olacaq.
Bakıda bu obyektlər sökülür - Fotolar
Bakıda bu obyektlər sökülür - Fotolar
Bakıda bu obyektlər sökülür - Fotolar
Bakının bu ərazisi sökülür — VİDEO Bakının bu ərazisi sökülür — VİDEO Sosial Saleh Məmmədovun agentliyi yenə yalan məlumat verir- ŞƏKİLDƏ 132 AĞACDAN CƏMİ 20-si VAR Saleh Məmmədovun agentliyi yenə yalan məlumat verir- ŞƏKİLDƏ 132 AĞACDAN CƏMİ 20-si VAR Sosial / Dunya Yasamalda beş küçənin təmiri yekunlaşıb Yasamalda beş küçənin təmiri yekunlaşıb Iqtisadiyyat Bakının bu hissəsində hərəkət məhdudlaşdırılır Bakının bu hissəsində hərəkət məhdudlaşdırılır Hadise "Statistika dairəsi" ləğv edildi Sosial