2-10-2019, 13:46 Oxunub: 497

Banklarda depozitlərin həcmi azalıb

Banklarda depozitlərin həcmi azalıb

“Vətəndaşların banklardakı depozitləri bu ilin aprelindən bəri ən aşağı həddə düşüb. Mərkəzi Bankın məlumatına görə, sentyabrın 1-də banklarda 8 milyard 561 milyon manat depozit olub. Bu isə əvvəlki aya nisbətən 19 milyon manat azdır”.

“Qafqazinfo” xəbər verir ki, bu barədə iqtisadçı ekspert Vüqar Bayramov məlumat yayıb. Onun sözlərinə görə, bütövlükdə, aprel ayının əvvəli ilə müqayisədə ötən ayın əvvəlində depozitlərin həcmi 154 milyon manat azalıb: “Həmin ay banklarda 8 milyard 715 milyon manat əmanət saxlanılırdı. İyul ayına banklar 8 milyard 736 milyon manat, iyuna isə 8 milyard 622 milyon manat əmanətlər daxil olub. Rəsmi rəqəmlər göstərir ki, bankların kredit portfelində artımlar olsa da, vətəndaşların əmanətində artım qeydə alınmır. Banklarda əmanətlərin həcminin azalması depozit faizlərinin kifayət qədər aşağı olması və banklara inamın tam bərpa olunmaması ilə bağlıdır.

Belə ki, aparıcı banklar manatla istehlak kreditlərini 29 faiz, dollar ilə 20 faizlə təklif etsələr də, belə dollar ilə depozitlərə 1 faizdən az divident ödəyirlər. Azərbaycanın aparıcı banklarının əksəriyyətinin internet səhifələrində depozit təkliflərinin təhlili göstərir ki, bəzi banklar 1 illik dollar depozitinə 0.1 faiz, 2 illik üçün 0.3 faiz, 3 illik üçün isə 0.5 faiz ödəyirlər. Bu o deməkdir ki, bankda 10 min dollar yerləşdirən vətəndaş ilin sonunda cəmi 10 dollar divident alır. Aylıq divident gəlirinin məbləği isə heç bir 1 dollar da etmir. Aparıcı banklarda dollar depoziti üzrə ödənişlər 1 faiz ətrafında dəyişir, yalnız riteyl banklarda bu 2.5 faizdir. Bu isə o deməkdir ki, 1 faizlik depozitlə 10 min dollara ildə 100 dollar gəlir vəd edilir və bu da aylıq 8 dollardan bir az çox pul deməkdir”.

İqtisadçı bildirib ki, sistem əhəmiyyətli banklarda depozit gəlirliyinin kəskin azalması pulunu xarici valyutada saxlamaq istəyənlərin əmanət qoyuluşlarına marağı azaldır ki, bu da özünü depozit portfelində əks etdirir: “Son 1 ildə manat üzrə divident faizləri də orta hesabla 35 faiz azalıb. Digər tərəfdən, passiv pulları aktivləşdirmək üçün banklara olan inamın artırılması istiqamətində də işlərin intensivləşdirilməsinə ehtiyac var”.
Azərbaycanın ən varlı rayonları açıqlandı Azərbaycanın ən varlı rayonları açıqlandı Iqtisadiyyat Banklar cibimizi necə qarət edirlər? - Kredit baha, əmanət ucuz... Banklar cibimizi necə qarət edirlər? - Kredit baha, əmanət ucuz... Iqtisadiyyat Bakı sakinlərinin banklarda nə qədər pulu var? – RƏSMİ Bakı sakinlərinin banklarda nə qədər pulu var? – RƏSMİ Iqtisadiyyat Əhalinin banklardakı əmanətləri artdı Əhalinin banklardakı əmanətləri artdı Iqtisadiyyat Ekspert: Faizlərin yüksək olması əhalini əmanət bazarından qaçıracaq Ekspert: Faizlərin yüksək olması əhalini əmanət bazarından qaçıracaq Siyaset