“Krediti manatla götürsəm də, dollarla hesablayırlar” - Qarabağ əlili Prezidentdən kömək istəyir
Iqtisadiyyat
Oxunub: 843
31 okt 2019 | 20:17
“Krediti manatla götürsəm də, dollarla hesablayırlar” - Qarabağ əlili Prezidentdən kömək istəyir

“Bank mənə pulu manatla verib, amma dollarla rəsmiləşdirib. Məndən götürdüyüm pulun 3 qatını tələb edirlər. Bu günə qədər ödədiyim pulları faizə çıxıblar”. DİA.AZ bildirir ki, Qazax rayon sakini, 2-ci qrup Qarabağ əlili Qurban Qurbanov belə deyib.

Qarabağ əlilinin sözlərinə görə, 2014-cü ilin oktyabrında “Xalq bank”dan 13 min manat məbləğində kredit götürüb. Bu zaman dövlətin Qarabağ əlili kimi ona verdiyi evi girov qoyub: “2014-cü ildə kreditimi müntəzəm olaraq - ayda 500 manat olmaqla ödəyirdim. Sonra səhhətimdə problem yarandı. Oğlum 11 il idi hərbiçiydi, onun da səhhətində problem yarandığı üçün işindən uzaqlaşdı. Hazırda o da 2-ci qrup əlildir. Sonradan təxminən 3-4 ay kreditin ödənişində fasilə oldu, ödəyə bilmədik. “Xalq bank”dan bizi çağırdılar, onda bildik ki, krediti manatla yox, dollarla veriblər. Mən onlara bildirdim ki, axı bu ədalətsizlikdir, belə olmaz. Amma onlar razılaşmadılar”.

“Mən kredit götürəndə dolların kursu 0.78 manat idi, sonra 1.05 manat oldu, daha sonra isə 1.72. Onlar kreditimi ən sonuncu kursla hesabladılar. Halbuki mən banka 9000 dollar ödəniş etmişəm, 5000 borcum qalmışdı. Ancaq dalbadal devalvasiya olandan sonra mən həmin pulları ödəməkdə çətinlik çəkdim. 300-400 manat, bəzən 200 manat ödəniş edirdim. “Xalq bank”dan məni yenidən çağırıb dedilər ki, biz buna qane olmuruq, sən hər ay 800, 900, 1000 manat ödəniş etməlisən. Ona isə mənim imkanım çatmır”, - Qarabağ əlili deyib.

Bank bundan sonra məhkəməyə müraciət edib. Qurban Qurbanov deyir ki, məhkəmədə nə qədər krediti manatla götürdüyünü desə də, hakimi inandıra bilməyib: “Azərbaycanda dollar nə vaxtdan milli pul vahidi olub? Mən dollarla maaş almıram, pensiya almıram. Krediti əlimə bank manatla verib, manatla da ödəməyə hazıram. Yaxşı, tutaq ki, dollarla verirsiniz, heç olmasa aşağı faizlə hesablayın, insafınız olsun, Allahdan qorxun. Mən nə qədər kredit ödəmişəm, boğazımdan kəsib borcumu ödəmişəm, deyirlər, sənin hələ 34 min borcun var. Bu, necə ola bilər? Bəs ədalət? İmkanım ayda 300 manat ödənişə çatır, hazırda da ödəyirəm. Məni məhkəməyə çağırdılar və qərar verildi ki, ev boşaldılmalıdır. Üstümüzə düşüblər ki, evi boşaltmalısınız. Özüm də, yoldaşım da, oğlum da əlildir. Ailədə 5 nəfərik, 3 nəfəri əlildir. 7 nəvəm var, biz indi evi boşaldıb harda yaşayaq? Küçələrdə gecələyək? “Krediti ödəmirəm” demirəm, amma o qədər məbləği dolların kursuna çevirib üstümə qoymaqla sanki bunlar mənə qəsd edirlər”.

Qarabağ əlilinin oğlu Fərid Qurbanov da çıxılmaz vəziyyətə düşdüklərini bildirib: “Prezident tərəfindən atama verilən 2 otaqlı evdir, ən azı 50 min qiyməti var. Amma bank bu evə 17 min manat qiymət qoyub və öz adına keçirib. 3 dəfə hərrac keçirilib. Həm atamın, həm də atamın adına olan dostunun maşınına həbs qoyulub. 8 min manat da atamın pensiyasına yönəldilib. Ayın 9-da növbəti məhkəmədir. Bu qədər pullar silinib, amma bank yenə bizdən əl çəkmir. Qanuna qalanda biz onların pulunu artıqlaması ilə ödəmişik. Biz bankdan krediti dollarla almamışıq, manat götürmüşük. Əvvəl aylıq ödəniş 382 manat idi, mən 500 manat ödəyirdim. Amma dolların bahalaşması bizi bəlaya saldı. Ödədiklərimizin hamısını faizə çıxdılar. Təsəvvür edin, biz bankdan 13 min manat götürmüşük, 9000 dollar ödəmişik, hələ deyirlər ki, 22 min verin, yaxanızı bizdən qurtarın”.

Qurban Qurbanov üzləşdiyi vəziyyətlə əlaqədar dövlət başçısına müraciət edib: “Mən prezident İlham Əliyevə, onun xanımı, Birinci vitse-prezident Mehriban Əliyevaya müraciət edirəm. Cənab baş komandan, sizin mənə verdiyiniz, içində sevə-sevə yaşadığımız evi haqsız olaraq əlimizdən alırlar. Haqsız olaraq - bunu təkrar-təkrar vurğulayıram, kim inanmırsa, gəlsin yoxlatsın. Manatla kredit götürmüşəm, dollarla hesablayıb əlimizdən alırlar. Bizə kömək eləyin, yazığıq, qışın günündə bir ailəni çölə tökmək olmaz. Mən “ödəmirəm” demirəm, ödəyirəm, ancaq bunu ədalətlə yoluna qoyun. Krediti manatla almışam, manatla ödəməyə qadirəm. Bizi o qədər yükləyiblər ki, onu ödəyib qurtarmaq qeyri-mümkündür. Mən 9 min dollar ödəmişəm, indi deyirlər, hələ 22 min borcun var. Halbuki mən bankdan 13 min manat kredit götürmüşdüm. Xahiş edirəm, səsimə səs verin”.
Bu gün, 11:00
Pensiya və müavinətlər artırıla bilər - VİDEO
Bu gün, 10:46
Juninyo Fransa klubunda?
Bu gün, 10:32
Ermənistanda “8 kənd” isterikası – Azərbaycan Ordusu “quldurları təmizləyin” əmri gözləyir
Bu gün, 10:21
Azərbaycan Mərkəzi Asiya ilə Avropanı birləşdirən təbii əlaqədir - Hikmət Hacıyev
Bu gün, 10:14
Nağdsız ödənişdən yayınanlar barəsində tədbir görüləcəkmi? - Ekspertlər danışır...
Bu gün, 10:00
Ermənistanda “dövlət içində dövlət” qurulur: Paşinyan erməni separatçıları hərbi əməliyyatla hədələyir
Bu gün, 09:39
Zelenskidən müttəfiqlərə: Yaxın aylarda Rusiyanın hücumu başlayacaq, kömək edin...
Bu gün, 09:17
“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - VİDEO
Bu gün, 09:11
Təhlükəsizlik orqanlarının 105 illiyi ilə bağlı tədbir keçirildi - Fotolar
Bu gün, 09:00
“Crocus City” dəhşəti və Rusiyadakı erməni lobbisi - VİDEO
Dünən, 16:00
Azərbaycandan çox şey götürdük, verməyəcəyimizi dedik... - NƏ OLDU?
Dünən, 15:30
Ermənistanın demarşı: Rusiyanın ikinci cəbhə açmaq imkanı yoxdur - NƏ BAŞ VERİR?
Dünən, 14:22
Yüz minlərlə azərbaycanlı Rusiyadan geri qayıdır? - NƏ ETMƏLİ?
Dünən, 13:16
Yaşayış binalarında da parklanma yerləri BAHALAŞDI - Yeni qiymət
Dünən, 13:00
Şahmar Hüseynov vəzifəsindən azad edildi - YENİ TƏYİNAT
Dünən, 11:56
Sabah yerimizdə oturacaqlar, qan töküləcək, Azərbaycana qaytarılmalıdır – Andranik Köçəryan
Dünən, 10:53
"Xəzər Lənkəran"la bağlı şad xəbər - Seçimlərə başlandı
Dünən, 10:12
“Yaxın günlərdə daha 73 nəfərin adları ictimaiyyətə açıqlanacaq”
Dünən, 10:08
Azərbaycanda dövlət xadimlərinin həyatına 7 sui-qəsd cəhdi olub - DTX rəhbəri
Dünən, 10:02
Dünya "Qarabağ"ın ulduzundan danışır: Nələr dedilər? - VİDEO
Dünən, 10:00
Bahalaşmanın növbəti dalğası gəlir: Evlərin qiyməti yenə artacaq
Dünən, 09:56
Lənkəranda faciə: Ata və oğul öldü (FOTOLAR)
Dünən, 09:49
"Crocus"da qəhrəmanlıq göstərən sumqayıtlı: "Onlar məndən üzr istədi"
Dünən, 09:44
ABŞ və Avropa Birliyi Qafqazda sülhü bloklayır: Qərb Ermənistanın hərbi təxribatlarına dəstək qərarı verib
Dünən, 09:41
Finlandiya rus oliqarxların Helsinkidəki idman-konsert kompleksini əllərindən alır
Dünən, 09:39
Xristianlıqla İslamı üz-üzə qoymaq istəyirlər - Kirill
Dünən, 09:37
Məşhur Azərbaycan filmlərində heyvanlara aktyorlardan çox qonorar verilirmiş