8-11-2019, 17:56 Oxunub: 301

Mayı qazın qiymətini KİM QALDIRIB? - AÇIQLAMA

Mayı qazın qiymətini KİM QALDIRIB? - AÇIQLAMA



Azərbaycanda yanacaqdoldurma məntəqələrində (YDM) yaranan maye qaz (LPG) qıtlığı aradan qaldırılır, artıq “Azpetrol”un Bakının Nobel prospektində və Qusar şəhərində yerləşən YDM-lərində satış bərpa olunub.

Bu barədə “APA-Economics”ə “Azpetrol” şirkətindən məlumat verilib.

Şirkətdən bildirilib ki, maye qazın satış qiyməti 0,45 manatdan 0,65 qəpiyə qaldırılıb.

“Qiymət təchizatçı tərəf olan “Məişət Maye Qaz” zavodunun bizə satdığı qiymət əsasında formalaşıb”, - deyə “Azpetrol”dan bildirilib.

Məsələ ilə bağlı SOCAR-ın İctimaiyyətlə əlaqələr və tədbirlərin təşkili idarəsinin rəis müavini İbrahim Əhmədov "APA-Economics"ə bildirib ki, qiymət dövlət, o cümlədən SOCAR tərəfindən tənzimlənmir.

“Hazırda maye qazın qiymətini təchizatçı şirkətlər özü tənzimləyir. Biz qazı aşağı qiymətə satırdıq, belə ki, dövlət qarşımıza bu tələbi qoymuşdu. Əvvəllər təchizatçılar maye qazı ancaq bizdən alırdı. İndi isə, ola bilsin, idxal edirlər. Belə olduğu təqdirdə istisna deyil ki, qiymət dəyişə bilər", - deyə İ. Əhmədov qeyd edib.

İ. Əhmədov əlavə edib ki, hazırda ölkədə maye qaza tələbat artmaqdadır: "Belə ki, bu məhsul həm də kimya sənayesində xammal kimi istifadə olunur".

“Məişət Maye Qaz” QSC-dən isə “APA-Economics”ə bildirilib ki, qiymət artımı zavodun təmirə dayanması və bu müddət ərzində maye qazın ölkəyə idxal edilməsi ilə əlaqədardır: “Zavodda təmir işləri artıq başa çatdırılıb. Yaxın zamanlarda LPG-nin köhnə qiymətlə satışı bərpa olunacaq”.

“SOCAR Petroleum” şirkətindən isə “APA-Economics”ə bildirilib ki, sözügedən zavodda təmir gedən müddətdə SOCAR YDM-lərində maye qaz satılmayıb: “Hazırda “Məişət Maye Qaz”dan maye qazın tədarükünü gözləyirik”.
Maşını qazla işləyən sürücülərin nəzərinə! Maşını qazla işləyən sürücülərin nəzərinə! Sosial Propan qazı niyə bahalaşıb? — RƏSMİ AÇIQLAMA Propan qazı niyə bahalaşıb? — RƏSMİ AÇIQLAMA Iqtisadiyyat Gürcüstanda benzinin və qazın qiyməti qalxdı - Yeni qiymətlər Gürcüstanda benzinin və qazın qiyməti qalxdı - Yeni qiymətlər Iqtisadiyyat SOCAR prezidenti: Azərbaycan qazı Gürcüstana əlverişli qiymətə satıb SOCAR prezidenti: Azərbaycan qazı Gürcüstana əlverişli qiymətə satıb Iqtisadiyyat SOCAR Gürcüstanda qazın qiymətini artırmaqdan imtina etdi SOCAR Gürcüstanda qazın qiymətini artırmaqdan imtina etdi Iqtisadiyyat