4 gün davam edəcək yarmarkalar daha sonra həftə sonları fəaliyyət göstərəcək.

Bu gündən etibarən bir neçə aydır yığışdırılan kənd təssərüfatı yarmarkaları yenidən bərpa olunub.

ANS TV-nin məlumatına görə, Qurban bayramı ərəfəsində 4 gün davam edəcək yarmarkalar daha sonra həftə sonları fəaliyyət göstərəcək. Qurban bayramı ilə əlaqədar müvafiq qurumlar tərəfindən Bakı və ətraf qəsəbələrdə qurbanlıq heyvanların satışı da təşkil olunub.

İqtisadiyyat və Sənaye Nazirliyi, Kənd Təsərrüfatı Nazirliyi, Bakı Şəhər İcra Hakimiyyətinin heyvandarlıqla məşğul olan sahibkarlarla birlikdə təşkil etdiyi bu mərkəzlərdə adi bazarlarla müqayisədə daha ucuz qurbanlıq heyvan almaq mümkündür. Bu məntəqələrdə heyvanların satışı ilə yanaşı kəsimi də aparılır.
Kənd Təsərrüfatı nazirinin müavini İlham Quliyev bildirib ki, Bakı şəhərinin 10 rayonunda 25 məntəqədə baytarlıq xidmətinin nəzarəti ilə qurbanlıqların satışı təşlik olunub. Bu yarmarkalarda qurbanlıqlar 90 manatdan satıcılara təklif olunur.