Prezident İlham Əliyev iyul ayının 22-də Daşkəsən rayonuna səfəri zamanı Azərbaycan Televiziyasına geniş müsahibə vermişdir. Müsahibədə işğaldan azad olunmuş ərazilərdə aparılan quruculuq işlərindən, bölgədəki canlanmadan bəhs edən Prezident cənab İlham Əliyev son günlərdə imzalanmış üçtərəfli Bəyanatın şərtlərini pozan Ermənistanın Şuşanı, Naxçıvanı, Kəlbəcəri atəşə tutmasına da münasibət bildirib.

Ölkə başçımızın qeyd etdiyi kimi, ermənilər 30 ildi qurduqları yalana, erməni ordusu haqqında yaratdıqları miflərə elə inanıblar ki, onlar hələ reallığı qəbul edə bilmirlər. 2016-cı ilin Aprel döyüşləri, Günnüt əməliyyatları zamanı cavablarını itkiləri ilə alan Ermənistan üçün bu tarixi hadisələr də dərs olmadı. 2020-ci ilin iyul ayında Tovuzda təxribat törətməklə onların sonlarını gətirən 44 günlük Vətən müharibəsinin başlanmasına səbəb oldu. Ermənilərin son günlərdə yenə də atəşkəsi pozmaları siyasi həyasızlıqdan başqa birşey deyil. Artıq bu məğlubiyyəti bütün dünya qəbul edib, lakin qəbul etməyən, anlamayan Ermənistan odla oynayan uşaq kimi cəhdlər edir. İkinci Qarabağ müharibəsi başa çatsa da, maraqlı dairələrin istəklərinə uyğun hələ də sayıqlayaraq «Dağlıq Qarabağ» söyləyən Nikol Paşinyanın «status» problemini Azərbaycan birdəfəlik həll etdi. Azərbaycanın Zəfəri onların bütün ideoloji sütunlarını darmadağın etdi.

Tarixdə Ermənistan-Azərbaycan Dağlıq Qarabağ münaqişəsi olub, ərazisi yox. İllər ərzində Azərbaycan xalqının maraqlarını rəhbər tutan cənab Prezident İlham Əliyev bütün rəsmi və qeyri-rəsmi görüşlərdə prinsipiallıq, qəti mövqe nümayiş etdirib, beynəlxalq kürsülərdən də bu münaqişəni məhz bu cür, yəni Ermənistan-Azərbaycan Dağlıq Qarabağ münaqişəsi kimi dünyanın nəzərinə çatdırıb. Artıq nə o münaqişə var, nə də status. “Dağlıq Qarabağ” adlı ərazi vahidi də yoxdur. İndi Şərqi Zəngəzur və Qarabağ iqtisadi zonası mövcuddur.

Aİ Şurasının prezidenti kimi böyük Avropa adından çıxış edən Şarl Mişel də “status” və “Dağlıq Qarabağ” sözlərini işlətmədi. Deməli, Rusiya kimi, bu qurum da yeni reallığa müvafiq hərəkət edir.

O ki, qaldı, xəyallara və illuziyalara, burada isə onu deməliyik ki, 25 min insan üçün status yaratmaq xəyalındansa getsinlər, 1 milyonluq, ya da 500 minlik, 100 minlik erməni yaşayan yerlərə status versinlər. Azərbaycan yeni yaratmış olduğu reallıqlara uyğun olaraq öz işini görür. Baxmayaraq ki, müharibədən 8 ay keçib, ancaq Prezident İlham Əliyevin rəhbərliyi altında bərpa və yenidənqurma işləri sürətlə gedir. Dövlətimiz tərəfindən çevik şəkildə görülən işləri xalqımız da təqdir edir.

Elmar Əhmədov,

YAP Salyan rayon təşkilatının sədr müavin