Sığortaçılar Assosiasiyası məlumat yaydı.
Bu ilin yanvar-noyabr aylarında Azərbaycandakı 28 sığorta şirkətinin xətti ilə təxminən 382,8 milyon manat sığorta haqqı toplanılıb.
Azerinfo.az AzərTAc-a istinadən xəbər verir ki, bu barədə məlumatı Sığortaçılar Assosiasiyasından bildiriblər. Sığorta haqqı ötən ilin müvafiq dövrü ilə müqayisədə 13,9 milyon manat və ya 3,8 faiz çoxdur.
Xatırladaq ki, 2014-cü ilin ilk 11 ayında sığorta şirkətlərinin həyata keçirdiyi sığorta ödənişlərinin məbləği təxminən 143,5 milyon manat təşkil edib.