Abşeronda silsilə oğurluqlar etmiş şəxs tutulub.

Azerinfo.az musavat.com-a istinadən bildirir ki, Abşeron Rayon Polis İdarəsinə ərizə ilə müraciət edən vətəndaşlar Masazır qəsəbəsində yerləşən bağ evlərindən oğurluq edilməsi barədə xəbər veriblər. Rayon polis idarəsinin cinayət axtarış şöbəsi əməkdaşlarının keçirdikləri əməliyyat tədbirləri nəticəsində Xırdalan şəhər sakini Həsən İbrahimov və Nərimanov rayon sakini Nemət Dadaşov saxlanılıblar. Şübhəli şəxslər bu günə qədər 10 evdən oğurluq ediblər.
Dostlar əldə etdikləri qənimətləri internet vasitəsi ilə müəyyən online satış saytlarında sataraq, pula çeviriblər. Öz dediklərinə görə, qazandıqları pulları eyş-işrətə, əyləncəyə xərcləyiblər.

Faktla bağlı Abşron Rayon Polis İdarəsində Cinayət Məcəlləsinin "Oğurluq" maddəsi ilə cinayət işi başlanıb, araşdırma aparılır.