İki nəfər birləşib 22 yaşlı gənci vəhşicəsinə öldürdü

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

Prezident niyə Berlinə Füzulidən uçdu? - 3 MESAJ

İlham Əliyev Qırğızıstan prezidentinə Qarabağ atı hədiyyə etdi - FOTO

Azərbaycan və Qırğızıstan prezidentləri Füzulinin Baş planı ilə tanış olublar - YENİLƏNİB

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

İki nəfər birləşib 22 yaşlı gənci vəhşicəsinə öldürdü - Yenilənib

Kriminal

Oxunub: 1 358

25 okt 2014 | 13:52

Sabunçuda baş verən qətl hadisəsinin təfərrüatları bəlli olub.

APA-nın məlumatına görə, hadisə Maştağa qəsəbəsi, Savalan yeni yaşayış massivində "Göl" deyilən ərazidə qeydə alınıb.
Lənkəran şəhərində anadan olan 18 yaşlı Asim Bünyadov, dostu, 20 yaşlı Xızı rayon sakini Yarəli Dadaşovla birlikdə şəxsi münasibətlər zəminində tanışları Gədəbəy rayon sakini, 22 yaşlı Röyal Səfərovu qətlə yetiriblər.
Tanışlar arasında münasibətlərin pozulmasına pul səbəb olub.
Belə ki, Röyal bir müddət əvvəl Asimdən borc pul alıb. Asim pulunu tələb edən zaman tərəflər arasında mübahisə düşüb. Bundan sonra Asim Maştağa qəsəbəsində yaşayan Röyal Səfərovu aralarında yaranan mübahisəni həll etmək üçün yaşadığı "Savalan" yeni yaşayış massivinə dəvət edib.
Asim Röyalla söhbətə dostu Yarəlini də çağırıb. Tərəflər göl qırağında görüşüblər. Asim orada yenidən pulunu tələb edib. Eşitdiyi cavab onu qane etmədiyindən üzərində olan bıçaqla Röyala çoxsaylı zərbə endirib.
R. Səfərovun öldüyün görən dostlar hadisə yerini tərk ediblər.
Qətldən 20 saat sonra A. Bünyadovla Y. Dadaşov 14-cü polis bölməsinə gələrək könüllü təslim olublar. Onların ifadəsindən sonra hadisə yerinə gedən polis əməkdaşları R. Səfərovun meyitini orada aşkarlayıblar. Şübhəli şəxs qismində saxlanılan dostlar Sabunçu Rayon Prokurorluğuna təhvil veriliblər.
Faktla əlaqədar Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, araşdırma aparılır.

***

Dünən gecə Bakının Sabunçu rayonunda qanlı cinayət baş verib.
Bakı şəhər Baş Polis İdarəsindən verilən məlumata görə, hadisə Maştağa qəsəbəsi Savalan yaşayış sahəsində qeydə alınıb.
Belə ki, qəsəbə sakinləri 1994-cü il təvəllüdlü Yarəli Dadaşov və 1996-cı il təvəllüdlü Asim Bünyatov 1992-ci il təvəllüdlü Röyal Nəcəfovu çoxsaylı bıçaq xəsarətilə qətlə yetirib. Hadisənin törədilməsinə səbəb borc pul olub.
Daha sonra onlar Sabunçu rayon Polis İdarəsi 14-cü polis bölməsinə gələrək hadisə barədə məlumat veriblər. Onlar könüllü təslim olublar.
Qətli araşdıran rayon prokurorluğunun müstəntiqi Tural Haqverdiyev cinayətlə bağlı açıqlama verməkdən imtina etdi.

Faktla bağlı cinayət işi başlanıb, araşdırma aparılır.