Abşeronda köhnə qan davası yenidən qızışdı

İlham Əliyev Qırğızıstan prezidentinə Qarabağ atı hədiyyə etdi - FOTO

Azərbaycan və Qırğızıstan prezidentləri Füzulinin Baş planı ilə tanış olublar - YENİLƏNİB

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Abşeronda köhnə qan davası yenidən qızışdı — Ölən var

Kriminal

Oxunub: 844

17 yan 2018 | 11:11

Abşeronda köhnə qan davası yenidən qızışdı — Ölən var

Hadisə yanvar ayının 15-də axşam saatlarında Saray qəsəbəsində qeydə alınıb.
Abşeron rayon prokurorluğundan verilən məlumata görə, 1963-cü il təvəllüdlü Saray qəsəbə sakini Muğan Əfqan oğlu Salikov öz həmyerlisi "Kürd Vüqar" kimi tanınan Vüqar Hüseynov tərəfindən öldürülüb.

Belə ki, qəsəbədəki "Qatar" restoranın qarşısında köhnə ədavətləri olan tanışlar arasında mübahisə düşüb, nəticədə V.Hüseynov yumruqla M.Salikova bir yumruq zərbəsi vurub. Zərbənin təsirindən yerə yıxılan M.Salikovun başı daşa dəyib. Bundan sonra yaralı Sumqayıt şəhər Təcili Tibbi Yardım Xəstəxanasına aparılıb. Vəziyyəti ağır olan M.Salikov reanimasiya şöbəsinə yerləşdirilib.

Həkimlərin səylərinə baxmayaraq, yaralı komaya düşdükdən sonra ayılmayıb. Onun meyiti Məhkəmə Tibbi Ekspertiza və Pataloji Anatomiya Birliyinin Sumqayıt şəhər şöbəsinə aparılıb.

V.Hüseynov isə Abşeron Rayon Polis İdarəsinin əməkdaşları tərəfindən saxlanılaraq rayon prokurorluğuna təhvil verilib. Xatırladaq ki, M.Salikovla V.Hüseynov arasında ədavət 2015-ci ildə başlayıb.

Belə ki, həmin ilin iyun ayının 8-də Abşeron rayonunun Saray qəsəbəsində yaşayan qəsəbə bələdiyyəsinin sədri, 1976-cı il təvəllüdü Vəsilə Əbdilhəsənova və onun həyat yoldaşı, 1976-cı il təvəllüdlü Vəfadar Əbdilhəsənov evlərində qətlə yetirilib. Gecə saatlarında bələdiyyə sədrinin evinə gələn Fədai Hüseynov uşaqlarının gözü qarşısında bələdiyyə sədrinin boğazını kəsib, ona çoxsaylı bıçaq zərbələri endirib. Ərini isə odlu silahla ürəyindən vuraraq, qətlə yetirib.
V.Əbilhəsənova bələdiyyə sədri olmaqla yanaşı, Sumqayıt Dövlət Universitetinin filologiya fakultəsinin müəllimi idi. Hadisənin şəxsi münaqişə zamanı baş verdiyi, mübahisənin isə torpaq üstündə olduğu bildirilib.

Hadisəni törətməkdə şübhəli bilinən 1980-cı il təvəllüdlü Fədail Güloğlan oğlu Hüseynov polisin keçirdiyi əməliyyat nəticəsində saxlanılıb. Eyni zamanda həmin vaxt hadisəni törətməkdə şübhəli bilinən Vüqar Hüseynov adlı şəxs də tutulub.

O, bundan əvvəl tutulmuş 1980-ci il təvəllüdlü Fədail Güloğlan oğlu Hüseynovun qardaşıdır. V.Hüseynov ifadəsinin alınması üçün Abşeron Rayon Prokurorluğuna aparılıb. Onun baş verən cinayətdə əlinin olub-olmaması araşdırılıb.

Fədail, Vüqar və Nuru Hüseynov qardaşları Abşeron rayon Saray qəsəbəsində ev və torpaq alqı-satqısı ilə məşğul olub və bələdiyyə sədri V.Əbilhəsənovanın yaxın adamları kimi tanınıb.

Qeyd edək ki, qətli törədən 35 yaşlı Fədai Hüseynov Vəsilə Əbilhəsənovanın sürücüsü olub və 2016-cı ildə Bakı Ağır Cinayətlər Məhkəməsinin hökmü ilə həbs cəzasıda alıb.