14-08-2019, 12:33 Oxunub: 517

Ər və arvad hakim qarşısında – vəzifəli şəxslərin adından istifadə, dələduzluq, saxta sənəd…

Ər və arvad hakim qarşısında – vəzifəli şəxslərin adından istifadə, dələduzluq, saxta sənəd…

Dələduzluqda ittiham olunan ər və arvad hakim qarşısına çıxarılıb. Onlar vəzifəli şəxslərin adından istifadə etməkdə təqsirləndirilirlər.

Bakı Ağır Cinayətlər Məhkəməsində dələduzluqda ittiham edilən Balağa Əlbəşirov və onun həyat yoldaşı Heyran Əlbəşirovanın cinayət işi üzrə məhkəmə iclası başlayıb.

Hakim Mahmud Ağalarovun sədrliyi ilə keçirilən məhkəmənin hazırlıq iclasında təqsirləndirilən şəxslərin anket məlumatları dəqiqləşdirilib.

Məhkəmə iclasında zərərçəkmişlərdən bir neçəsi iştirak edib. Onlarla təqsirləndirilən şəxslər arasında bir neçə dəfə gərginlik yaşanıb.

Balağa Əlbişirov günahsız olduğunu, bunu hamıya sübut edəcəyini deyib.

Rəsmi ittihama görə, özünü Fövqəladə Hallar Nazirliyinin məsul işçisi Milana Xoçperova kimi təqdim etmiş Əlbəşirova Heyran Mürsəl qızının qanunsuz hərəkətləri barədə həmin nazirlik tərəfindən toplanmış material aidiyyəti üzrə hüquqi qiymət verilməsi üçün Baş prokuror yanında Korrupsiyaya qarşı Mübarizə Baş İdarəsinə göndərilib.

Baş prokuror yanında Korrupsiyaya qarşı Mübarizə Baş İdarəsi tərəfindən aparılmış araşdırmalarla Heyran Əlbəşirovanın, əri Balağa Əlbəşirovla cinayət əlaqəsinə girməklə nazirliyin saxta xidməti vəsiqəsini hazırlamasına, özbaşına özünü həmin dövlət qurumunun məsul işçisi kimi təqdim edərək 2012-ci ilin may ayında Balakən və Zaqatala rayonları ərazisində baş vermiş zəlzələ nəticəsində yararsız hala düşmüş yaşayış evlərinə dəymiş ziyanın ödənilməsinin təşkil edilməsi adı ilə etibarlarından sui-istifadə edərək ümumilikdə 21 nəfərə məxsus cəmi 24 min manat məbləğində pul vəsaitini ələ keçirib dələduzluq etmələrinə əsaslı şübhələr müəyyən edilib.

Həmin fakta görə Cinayət Məcəlləsinin 178.2.4 (dələduzluq xeyli miqdarda ziyan vurmaqla törədildikdə), 310 (vəzifəli şəxsin səlahiyyətlərini mənimsəmə) və 320.1-ci (hüquq verən və ya vəzifədən azad edən vəsiqəni və ya digər rəsmi sənədi istifadə etmək məqsədi ilə saxtalaşdırma və qanunsuz hazırlama) maddələri ilə cinayət işi başlanıb.

Aparılmış istintaqla həmin şəxslərə Cinayət Məcəlləsinin 178.2.1 (dələduzluq qabaqcadan əlbir olan bir qrup şəxs tərəfindən törədildikdə), 178.2.2 (dələduzluq təkrar törədildikdə), 178.2.4 (dələduzluq xeyli miqdarda ziyan vurmaqla törədildikdə), 310 (vəzifəli şəxsin səlahiyyətlərini mənimsəmə), 32.4,312.2 (vəzifəli şəxs tərəfindən bilə-bilə qanunsuz hərəkətlər (hərəkətsizlik) etməyə görə ona rüşvət və ya təkrar rüşvət verməyə təhrik etmə), 320.1 (hüquq verən və ya vəzifədən azad edən vəsiqəni və ya digər rəsmi sənədi istifadə etmək məqsədi ilə saxtalaşdırma və qanunsuz hazırlama) və 320.2-ci (Cinayət Məcəlləsinin 320.1-ci maddəsində göstərilmiş bilə-bilə saxta sənədlərdən istifadə etmə) maddələri ilə ittiham elan olunmaqla barələrində məhkəmənin qərarı ilə həbs qətimkan tədbiri seçilib.

Cinayət işi üzrə 26 nəfər zərərçəkmiş şəxs qismində tanınıb.
Deputat və vəzifəli şəxslərin üz tutduğu “Cindar Hüseyn” – Cinlərə qonaqlıq verir, minlərlə dolları… (TƏFƏRRÜAT) Deputat və vəzifəli şəxslərin üz tutduğu “Cindar Hüseyn” – Cinlərə qonaqlıq verir, minlərlə dolları… (TƏFƏRRÜAT) Sosial / Dunya İlhamə Quliyevanın oğlunun adı hallanan cinayət işindən YENİ XƏBƏR İlhamə Quliyevanın oğlunun adı hallanan cinayət işindən YENİ XƏBƏR Medeniyyet Zərəçəkmişlər pulunu Zərəçəkmişlər pulunu "AMAY Abdulla"dan tələb edir - 2 milyonluq dələduzluq Sosial Bakıda Bakıda "Vertu" alıb pulunu ödəməyən polkovnik hakim qarşısında- 800 minlik dələduzluq Hadise Filial müdiri məhkəmədə həbs edildi - 3 milyonluq mənimsəmə Filial müdiri məhkəmədə həbs edildi - 3 milyonluq mənimsəmə Sosial