Adı 2013-cü ildən etibarən “qırmızı siyahı”ya düşən PKK-nın məhşur simalarında biri olan Nedim Karakulak MİT və Türk Silahlı Quvvələrinin İraqda keçirdiyi birgə əməliyyat nəticəsində öldürülüb.
“Ölkə.Az” xəbər verir ki, İraqın şimalında Hakurk bölgəsində keçirilən əməliyyat nəticəsində 5 terrorçut məhv edilib. Məhv edilən terrorçular arasında adı “qırmızı siyahı”da olan Nedim Karakulak da olub.

Kod adı “Kawa Garzan” olan N.Karakulak Qəndillə Hakruk bölgəsi arasında gömrük və digər məsələlər üzrə məsul şəxsi olub.
1992-ci ildən PKK sıralarına qoşulan Karakulak bir müddət İraqın şimalındakı Haftanın bölgəsindəki bazasından Türkiyəyə partlayıcı maddələr göndərib və bu işi təşkil edib. Ona görə də 2013-cü ildən ən təhlükəli terrorçu kimi adı “qırmızı siyahı”ya düşüb.