2-11-2019, 12:09 Oxunub: 678

Bərdədə yeniyetmənin alçaldılaraq videoya çəkilməsi ilə bağlı araşdırmalara başlanıb

Bərdədə yeniyetmənin alçaldılaraq videoya çəkilməsi ilə bağlı araşdırmalara başlanıb

Ailə, Qadın və Uşaq Problemləri üzrə Dövlət Komitəsi Bərdə rayonunda yeniyetmənin fiziki və mənəvi zorakılığa məruz qalmasını əks etdirən videogörüntü ilə bağlı araşdırmalara başlayıb.

Bunu “report”a Dövlət Komitəsinin İnformasiya və analitik araşdırmalar şöbəsinin müdiri Elgün Səfərov deyib.

Onun sözlərinə görə, hadisə ilə bağlı Ailə, Qadın və Uşaq Problemləri üzrə Dövlət Komitəsinin Uşaq şöbəsində araşdırmalar aparılır və bu faktla bağlı hüquq-mühafizə orqanları tərəfindən araşdırmalar davam etdiriləcək: “Ümumiyyətlə, cəmiyyətdə uşaqların zorakılığa məruz qalmasına qarşı tədbirlər görülməlidir.

Əgər uşaq valideynləri, qohumları və yaxud da hər hansı digər şəxs və ya şəxslər tərəfindən zorakılığa məruz qalırsa, bu zaman tədbir görülməlidir. Günahkar şəxslər isə məsuliyyətə cəlb olunmalıdır.

Biz bu cür hallarla rastlaşdıqda monitorinq komissiyaları vasitəsilə arayışlar hazırlanır və daha sonra araşdırmalar aparılır.

Hadisəni törədən şəxslər isə cinayət məsuliyyətinə cəlb olunur”.

Qeyd edək ki, sosial şəbəkələrdə və mətbuatda Bərdə rayonunda yeniyetmənin fiziki və mənəvi zorakılığa məruz qalmasını əks etdirən videogörüntü yayılıb. Görüntülərdə yeniyetmə təhqir olunaraq alçaldılır və fiziki zorakılığa məruz qalır.
Azərbaycanda hər il 20 min uşaq abort etdirilir – RƏSMİ Azərbaycanda hər il 20 min uşaq abort etdirilir – RƏSMİ Medeniyyet Azərbaycanda uşaq olmaması səbəbindən nikahların pozulması halları artıb Azərbaycanda uşaq olmaması səbəbindən nikahların pozulması halları artıb Sosial İki azyaşlı övladını atan ana: “Gecə evdən çıxıb qaçdım” İki azyaşlı övladını atan ana: “Gecə evdən çıxıb qaçdım” Hadise Azərbaycanda Uşaq Məlumat Bankı yaradılır Azərbaycanda Uşaq Məlumat Bankı yaradılır Iqtisadiyyat Əri tərəfindən döyülən qadınlara -pul yardımı veriləcək Əri tərəfindən döyülən qadınlara -pul yardımı veriləcək Sosial