5-08-2020, 16:17 Oxunub: 367

Bakıda keçmiş məhkum arvadını və qayınanasını öldürüb yandırdı — MƏHKƏMƏ

Bakıda keçmiş məhkum arvadını və qayınanasını öldürüb yandırdı — MƏHKƏMƏ


Bakının Binəqədi rayonunda həyat yoldaşı və qayınanasını qətlə yetirməkdə təqsirli bilinən Vaqif Hüseynovun cinayət işi üzrə ibtidai istintaq başa çatıb.
Cinayət işinin materialları baxılması üçün Bakı Ağır Cinayətlər Məhkəməsinə göndərilib.

Hakim Zeynal Ağayevin sədrliyi ilə keçiriləcək məhkəmə baxış iclası avqustun 7-nə təyin olunub.

Qeyd edək ki, hadisə oktyabrın 16-da Binəqədi rayonu, Aydınbəyov küçəsi 22 ünvanında baş verib.

Belə ki, 1971-ci il təvəllüdlü Vaqif Hüseynov bibisi qızı olan həyat yoldaşı, 40 yaşlı Təranə İsmayılovanı bıçaqlayıb. Daha sonra V.Hüseynov bibisi, 85 yaşlı Luiza İsmayılovanı - qayınanasını bıçaqlayıb.

Hər iki şəxs hadisə yerində ölüb.
Qətli törədən V.Hüseynov hər iki meyitin üzərinə neft tökərək onları yandırıb. Özü isə hadisə yerindən qaçarkən “Azadlıq” prospektində onu sərnişin avtobusu vurub. V.Hüseynov 1 saylı şəhər xəstəxanasına yerləşdirilib.

Ona göstərilən ixtisaslı tibbi yardım nəticəsində həyatını xilas etmək mümkün olub.

V.Hüseynova qarşı Cinayət Məcəlləsinin 120.2.4-cü (xüsusi amansızlıqla adam öldürmə) və 120.2.7-ci (iki və ya daha çox şəxsi öldürmə) maddələri ilə ittiham elan olunub.
Bakıda ər 22 yaşlı arvadını bıçaqladı Bakıda ər 22 yaşlı arvadını bıçaqladı Kriminal Bakıda gəlin qayınanasını döyüb Bakıda gəlin qayınanasını döyüb Hadise Ər arvadını və qayınanasını baltaladı, evi yandırdı — Bərdədə dəhşətli cinayət (FOTOLAR) Ər arvadını və qayınanasını baltaladı, evi yandırdı — Bərdədə dəhşətli cinayət (FOTOLAR) Kriminal Bakıda dəhşətli cinayət — Kürəkən qayınanasını öldürdü, həyat yoldaşını yaraladı Bakıda dəhşətli cinayət — Kürəkən qayınanasını öldürdü, həyat yoldaşını yaraladı Hadise Bakıda amansız qətl: kürəkən qayınanasını və həyat yoldaşını öldürdü Bakıda amansız qətl: kürəkən qayınanasını və həyat yoldaşını öldürdü Hadise